ஐபிஎல் 2021: சிஎஸ்கே அணிக்கு ஒரு குட் நியூஸ்; இந்த வீரர் விளையாடுவது உறுதி!

ஐக்கிய அரபு அமீரகத்தில் நடைபெறும் ஐபிஎல் தொடரின் எஞ்சியுள்ள போட்டிகளில் ஜோஷ் ஹசில்வுட் நிச்சயம் பங்கேற்பார் என சிஎஸ்கே அணியின் சிஇஓ காசி விஸ்வநாதன் தெரிவித்துள்ளார்.

இந்தியாவில் விறுவிறுப்பாக நடைபெற்று வந்த ஐபிஎல் தொடரின் 14ஆவது சீசன், கரோனா பரவல் காரணமாக பாதியிலேயே ஒத்திவைக்கப்பட்டது. இதையடுத்து இத்தொடரின் எஞ்சியுள்ள போட்டிகள் ஐக்கிய அரபு அமீரகத்தில் செப்டம்பர் 19ஆம் தேதி முதல் நடைபெறவுள்ளது. 

இதற்கான போட்டி அட்டவணையையும் பிசிசிஐ சமீபத்தில் வெளியிட்டு, ரசிகர்களின் எதிர்பார்ப்புகளை அதிகரித்துள்ளது. மேலும் டி20 உலகக்கோப்பை தொடரும் நெருங்குவதால் வெளிநாட்டு வீரர்கள் இத்தொடரில் பங்கேற்பதில் இழுபறி நீடித்து வருகிறது. 

அந்த வகையில் தற்போது இங்கிலாந்து, ஆஸ்திரேலிய வீரர்கள் ஐபிஎல் தொடரின் எஞ்சியுள்ள போட்டிகளில் விளையாடு அந்நாட்டு கிரிக்கெட் வாரியங்கள் அனுமதி வழங்கியுள்ளனர். 

இதன் மூலம் சென்னை சூப்பர் கிங்ஸ் அணியின் முக்கிய வேகப்பந்து வீச்சாளராக திகழும் ஆஸ்திரேலியாவின் ஜோஷ் ஹசில்வுட் ஐபிஎல் தொடரின் எஞ்சியுள்ள போட்டிகளில் பங்கேற்பார் என அந்த அணியின் சிஇஓ காசி விஸ்வநாதன் தெரிவித்துள்ளார். 

தற்போது வெஸ்ட் இண்டீஸ், வங்கதேச அணிகளுக்கு இடையேயான தொடர்களின் போது ஜோஷ் ஹசில்வுட் சிறப்பான ஆட்டத்தை வெளிப்படுத்தியுள்ளதால் அவர் நிச்சயம் சென்னை அணியின் முக்கிய வீரராக திகழ்வார் என ரசிகர்கள் மகிழ்ச்சியில் ஆழ்ந்துள்ளனர். 

மேலும் இன்று அறிவிக்கப்பட்ட டி20 உலகக்கோப்பை தொடருக்கான ஆஸ்திரேலிய அணியிலும் ஜோஷ் ஹசில்வுட் இடம்பிடித்திருப்பது குறிப்பிடத்தக்கது. 

Win Big, Make Your Cricket Tales Now