அறிமுக போட்டியில் சதமடித்து சாதனை படைத்த ஜோஷ் இங்கிலிஸ்!

இலங்கை அணிக்கு எதிரான முதல் டெஸ்ட் போட்டியின் மூலம் ஆஸ்திரேலிய அணிக்காக அறிமுகமான ஜோஷ் இங்கிலிஸ் சதமடித்து அசத்தியுள்ளார்.

அறிமுக போட்டியில் சதமடித்து சாதனை படைத்த ஜோஷ் இங்கிலிஸ்! (Image Source: Google)

இலங்கை - ஆஸ்திரேலியா அணிகளுக்கு இடையேயான முதலாவது டெஸ்ட் போட்டி காலே மைதானத்தில் நேற்று தொடங்கியது. இதில் டாஸ் வென்ற ஆஸ்திரேலிய அணி பேட்டிங்கை தேர்வு செய்தது. அதன்படி களமிறங்கிய ஆஸ்திரேலிய அணில் டிராவிஸ் ஹெட் அதிரடியாக விளையாடி அரைசதமடித்து அசத்தியது 57 ரன்களில் விக்கெட்டை இழந்தார். அதனை தொடர்ந்து வந்த கேப்டன் ஸ்டீவ் ஸ்மித், கவாஜாவுடன் ஜோடி சேர்ந்து சிறப்பான ஆட்டத்தை வெளிப்படுத்தினர்.

தொடர்ந்து சிறப்பாக விளையாடிய இருவரும் சதமடித்து அசத்தினர். பின்னர் 141 ரன்கள் எடுத்த நிலையில் ஸ்டீவ் ஸ்மித் விக்கெட்டை இழந்தாலும், மறுமுனையில் தொடர்ந்து விளையாடிய உஸ்மான் கவாஜா சர்வதேச டெஸ்ட் கிரிக்கெட்டில் தனது முதல் இரட்டை சதத்தைப் பதிவுசெய்து அசத்தினார். அவருடன் இணைந்து விளையாடிய அறிமுக வீரர் ஜோஷ் இங்கிலிஸும் தனது முதல் சர்வதேச டெஸ்ட் சதத்தைப் பதிவுசெய்து அசத்த்தினார். 

பின் உஸ்மான் கவாஜா 232 ரன்களிலும், ஜோஷ் இங்கிலிஸ் 102 ரன்னிலும் என விக்கெட்டை இழக்க, ஆஸ்திரேலிய அணி முதல் இன்னிங்ஸில் 654 ரன்கள் எடுத்த நிலையில் டிக்ளேர் செய்வதாக அறிவித்தது. அப்போது அலெக்ஸ் கேரி 46 ரன்களுடனும், மிட்செல் ஸ்டார்க் 19 ரன்களுடனும் களத்தில் இருந்தனர். இலங்கை அணி தரப்பில் பிரபாத் ஜெயசூர்யா, ஜெஃப்ரி வேண்டர்சே ஆகியோர் தலா 3 விக்கெட்டுகளை கைப்பற்றினர்.

இதனையடுத்து முதல் இன்னிங்ஸைத் தொடங்கிய இலங்கை அணியில் ஒஷாதா ஃபெர்னாண்டோ, திமுத் கருணரத்னே மற்றும் ஏஞ்சலோ மேத்யூஸ் ஆகியோர் தலா 7 ரன்களில் விக்கெட்டை இழந்து பெவிலியன் திரும்பினர்.  இதன்மூலம் இரண்டாம் நாள் ஆட்டநேர முடிவில் இலங்கை அணி முதல் இன்னிங்ஸில் 3 விக்கெட் இழப்பிற்கு 44 ரன்களை மட்டுமே எடுத்துள்ளது. இதில் தினேஷ் சண்டிமால் 9 ரன்களுடனும், கமிந்து மெண்டிஸ் 13 ரன்களுடனும் களத்தில் உள்ளனர்.

இந்நிலையில் இப்போட்டியில் அறிமுக வீரராக களமிறங்கி சதமடித்து அசத்திய ஜோஷ் இங்கிலிஸ், அறிமுக போட்டியில் அதிவேகமாக சதமடித்த இரண்டாவது வீரர் எனும் பெருமையைப் பெற்றுள்ளார். அவர் வெறும் 90 பந்துகளில் சதமடித்ததன் மூலம் இந்த சாதனையைப் படைத்துள்ளார். முன்னதாக இந்தப் பட்டியலில், 2004 ஆம் ஆண்டு தென் ஆப்பிரிக்காவுக்கு எதிரான தனது வெஸ்ட் இண்டீஸின் டுவைன் ஸ்மித் 93 பந்துகளில் சதமடித்து இந்த பட்டியலின் இரண்டாம் இடத்தில் இருந்தார். 

அறிமுக டெஸ்டில் அதிவேகமாக சதமடித்த வீரர்கள்

• ஷிகர் தவான் - 85 பந்துகள் (2013 vs ஆஸ்திரேலியாவுக்கு)
• ஜோஷ் இங்கிலிஸ் - 90 பந்துகள் (2025 vs இலங்கை)
• டுவைன் ஸ்மித் - 93 பந்துகள் (2004 vs தென் ஆப்பிரிக்கா)
• பிரித்வி ஷா - 99 பந்துகள் (2018 vs வெஸ்ட் இண்டீஸ்)
• மேட் பிரையர் - 105 பந்துகள் (2007 vs வெஸ்ட் இண்டீஸ்)

இதுதவிர்த்து ஆஸ்திரேலிய டெஸ்ட் கிரிக்கெட் வரலாற்றில் அறிமுகப் போட்டியிலேயே சதம் அடித்த 21ஆவது வீரர் என்ற பெருமையை இங்கிலிஸ் பெற்றார். அவருக்கு முன்பு, கடைசியாக 2015 ஆம் ஆண்டு ஆடம் வோஜஸ் இந்த சாதனையை நிகழ்த்தினார். மேற்கொண்டு இப்போட்டியில் 5ஆவது இடத்தில் பேட்டிங் செய்ய வந்த ஜோஷ் இங்கிலீஷ் உஸ்மான் கவாஜாவுடன் இணைந்து 146 ரன்கள் பார்ட்னர்ஷிப் அமைத்தார் என்பதும் குறிப்பிடத்தக்கது.