இலங்கை தொடரில் சாதனை படைக்க காத்திருக்கும் காகிசோ ரபாடா!

இலங்கை அணிக்கு எதிரான இரண்டாவது டெஸ்ட் போட்டியில் தென் ஆப்பிரிக்காவின் நட்சத்திர வேகப்பந்து வீச்சாளர் ககிசோ ரபாடா இந்தப் போட்டியில் சில சாதனைகளை படைக்கும் வாய்ப்பை பெற்றுள்ளார்.

இலங்கை தொடரில் சாதனை படைக்க காத்திருக்கும் காகிசோ ரபாடா! (Image Source: Google)

தென் ஆப்பிரிக்கா - இலங்கை அணிகளுக்கு இடையேயான இரண்டு போட்டிகள் கொண்ட டெஸ்ட் தொடரானது தென் ஆப்பிரிக்காவில் நடைபெற்று வருகிறது. இதில் நடைபெற்று முடிந்த முதல் டெஸ்ட் போட்டியில் தென் ஆப்பிரிக்க அணி 233 ரன்கள் வித்தியாசத்தில் அபார வெற்றியைப் பதிவுசெய்து அசத்தியதுடன், 1-0 என்ற கணக்கில் தொடரிலும் முன்னிலைப் பெற்றது. 

இதையடுத்து தென் ஆப்பிரிக்கா - இலங்கை அணிகளுக்கு இடையேயான இரண்டாவது டெஸ்ட் போட்டி இன்று (டிசம்பர் 04) க்கெபெர்ஹாவில் உள்ள செயின்ட் ஜார்ஜ் பார்க் கிரிக்கெட் மைதானத்தில் நடைபெறவுள்ளது. இப்போட்டியிலும் தென் ஆப்பிரிக்க அணி வெற்றிபெறும் பட்சத்தில் டெஸ்ட் தொடரை கைப்பற்றுவதுடன், உலக டெஸ்ட் சாம்பியன்ஷிப் புள்ளிப்பட்டியளிலும் தங்கள் இடத்தை உறுதிசெய்யும். அதேசமயம் முந்தைய தோல்விக்கு பதிலடி கொடுக்கும் முனைப்புடன் இலங்கை அணியும் கடுமையான சவாலை அளிக்கும் என்பதால் இப்போட்டி மீதான எதிர்பார்ப்பு அதிகரித்துள்ளது. 

இந்நிலையில் இப்போட்டியில் தென் ஆப்பிரிக்காவின் நட்சத்திர வேகப்பந்து வீச்சாளர் ககிசோ ரபாடா இந்தப் போட்டியில் சில சாதனைகளை படைக்கும் வாய்ப்பை பெற்றுள்ளார். அதன்படி இந்தப் போட்டியில் அவர் 6 விக்கெட்டுகளை வீழ்த்தினால், சர்வதேச கிரிக்கெட்டில் 550 விக்கெட்டுகள் என்ற இலக்கைத் தொடும் தென் ஆப்பிரிக்காவின் ஆறாவது பந்துவீச்சாளர் என்ற பெருமையைப் பெறுவார். இது தவிர, இலங்கைக்கு எதிரான இப்போட்டியில் அவர் 10 விக்கெட்டுகளை வீழ்த்தினால், உலக டெஸ்ட் சாம்பியன்ஷிப்பில் 150 விக்கெட்டுகளை வீழ்த்திய 5ஆவது பந்துவீச்சாளர் என்ற பெருமையையும் பெறுவார். 

அந்தவகையில் சர்வதேச டெஸ்ட் கிரிக்கெட்டில் இதுவரை தென் ஆப்பிரிக்காவைச் சேர்ந்த ஷான் பொல்லாக் (414 போட்டிகளில் 823 விக்கெட்கள்), டேல் ஸ்டெய்ன் (263 போட்டிகளில் 697 விக்கெட்கள்), மகயா நிடினி (283 போட்டிகளில் 661 விக்கெட்கள்), ஆலன் டொனால்ட் (236 போட்டிகளில் 602 விக்கெட்கள்) மற்றும் ஜாக் காலிஸ் (513 போட்டிகளில் 572 விக்கெட்) அகியோர் மட்டுமே 550 விக்கெட்டுகளை கடந்துள்ளார். அதேசமயம் காகிசோ ரபாடா தற்போது வரை 233 போட்டிகளில் விளையாடி 544 விக்கெட்டுகளை கைப்பற்றியுள்ளார் என்பது குறிப்பிடத்தக்கது. 

அதேசமயம் உலக டெஸ்ட் சாம்பியன்ஷிப் தொடரில் காகிசோ ரபாடா இதுவரை 30 போட்டிகளில் விளையாடி 140 விக்கெட்டுகளை வீழ்த்தியுள்ளார். இதனல் அவர் இத்தொட்ரில் 150 விக்கெட்டுகளை வீழ்த்திய சாதனையை அவர் அடைய இன்னும் 10 விக்கெட்டுகள் மட்டுமே தேவிப்படுகின்றன. இலங்கை அணிக்கு எதிரான இப்போட்டியின் மூலம் அவர் இந்த மைல் கல்லை எட்டும் பட்சத்தில் உலக டெஸ்ட் சாம்பியன்ஷிப்பில் 150 விக்கெட்டுகளை வீழ்த்திய 5அவது பந்துவீச்சாளர் என்ற பெருமையையும் தென் ஆப்பிரிக்காவின் காகிசோ ரபாடா படைக்கவுள்ளார்.

உலக டெஸ்ட் சாம்பியன்ஷிப் கிரிக்கெட் தொட்ரில் அதிக விக்கெட்டுகளை வீழ்த்தியவர்கள் பட்டியலில் இந்திய அணியின் ரவிச்சந்திரன் அஸ்வின் முதலிடத்தில் உள்ளார். அவர் 40 போட்டிகளில் 194 விக்கெட்டுகளை வீழ்த்தியுள்ளார். அவருக்கு அடுத்த இடத்தில் ஆஸ்திரேலியான் நாதன் லையன் 189 விக்கெட்டுகளுடன் இரண்டாம் இடத்திலும் உள்ளனர். இவர்கள் தவிர்த்து அஸ்திரேலியாவின் பாட் கம்மின்ஸ் 178 விக்கெட்டுகளை வீழ்த்தி மூன்றாம் இடத்திலும், மிட்செல் ஸ்டார்க் 150 விக்கெட்டுகளை வீழ்த்தி நான்காம் இடத்திலும் உள்ளனர் என்பது குறிப்பிடத்தக்கது.

Win Big, Make Your Cricket Tales Now