பாகிஸ்தான் தொடரிலிருந்து விலகினார் கேன் வில்லியம்சன்!

காயம் காரணமாக பாகிஸ்தான் அணியுடனான எஞ்சிய போட்டிகளிலிருந்து நியூசிலாந்து கேப்டன் கேன் வில்லியம்சன் விலகியுள்ளார்.

பாகிஸ்தான் தொடரிலிருந்து விலகினார் கேன் வில்லியம்சன்! (Image Source: Google)

பாகிஸ்தான் கிரிக்கெட் அணி நியூசிலாந்தில் சுற்றுப்பயணம் மேற்கொண்டு 5 போட்டிகள் கொண்ட டி20 தொடரில் விளையாடி வருகிறது. இந்த தொடரில் முதல் 2 போட்டிகள் முடிந்துள்ள நிலையில் இரு ஆட்டங்களிலும் நியூசிலாந்து வெற்றி பெற்று தொடரில் 2-0 என முன்னிலையில் உள்ளது.

இந்நிலையில் பாகிஸ்தானுக்கு எதிரான எஞ்சிய டி20 தொடரில் இருந்து நியூசிலாந்து கேப்டன் கேன் வில்லியம்சன் விலகி உள்ளதாக தகவல் வெளியாகி உள்ளது. ஏற்கனவே வில்லியம்சனுக்கு 3ஆவது டி20 போட்டியில் ஓய்வு அளிக்கப்பட்டிருந்தது.

ஆனால் நேற்று நடைபெற்ற 2ஆவது டி20 போட்டியில் பேட்டிங் செய்து கொண்டிருந்த போது கேன் வில்லியம்சன் காயம் காரணமாக வெளியேறினார். அதன் பின்னர் பொறுப்பு கேப்டன் டிம் சௌதீ அணியை வழி நடத்தினார்.

காயத்தின் தன்மையை கருத்தில் கொண்டு அவர் எஞ்சிய டி20 தொடரில் இருந்து விலகி உள்ளதாக தகவல் வெளியாகி உள்ளது. அவருக்கு பதிலாக டிம் செய்ஃபர்ட் அணியில் சேர்க்கப்பட உள்ளதாகவும் தகவல் வெளியாகியுள்ளது.

Win Big, Make Your Cricket Tales Now