ஐபிஎல் தொடரின் சிறந்த அணியை தேர்வு செய்த மேத்யூ ஹைடன்!
ஆஸி முன்னால் வீரர் மேத்யூ ஹைடன் தேர்வு செய்துள்ள ஐபிஎல் தொடரின் சிறந்த அணியில் விராட் கோலி, சஞ்சு சாம்சன், ரியான் பராக் ஆகியோருக்கு இடம் கொடுத்துள்ளார்.
இந்தியாவின் பல்வேறு நகரங்களில் நடைபெற்று வந்த ஐபிஎல் தொடரின் 17ஆவது சீசனானது ரசிகர்களுக்கு விருந்து படைத்த தொடராக இருந்துள்ளது. ஏனெனில் ஒவ்வொரு போட்டியிலும் சுவாரஸ்யத்திற்கு பஞ்சமில்லாமல் நடைபெற்று வந்த இத்தொடரில் பல்வேறு சாதனைகள் குவிக்கப்பட்டுள்ளன. இந்நிலையில் இத்தொடரின் இறுதிப்போட்டிக்கு கொல்கத்தா நைட் ரைடர்ஸ் மற்றும் சன்ரைசர்ஸ் ஹைதராபாத் அணிகள் முன்னேறியுள்ளன.
அதன்படி இவ்விரு அணிகளுக்கும் இடையேயான இறுதிப்போட்டியானது சென்னை சேப்பாக்கத்தில் உள்ள எம் ஏ சிதம்பரம் கிரிக்கெட் மைதானத்தில் நடைபெற்று வருகிறது. இந்நிலையில் நடப்பு ஐபிஎல் தொடரில் சிறப்பாக செயல்பட்டுள்ள வீரர்களைக் கொண்டு முன்னாள் வீரார்கள் தொடரின் சிறந்த அணியை கணித்துள்ளனர். அந்த வகையில் ஆஸ்திரேலிய அணியின் முன்னாள் வீரர் மேத்யூ ஹைடனும் தனது ஐபிஎல் அணியை அறிவித்துள்ளார்.
Trending
அவரது அணியின் தொடக்க வீரர்களாக கேகேஆர் அணியின் சுனில் நரைனையும், சன்ரைசர்ஸ் அணியின் டிராவிஸ் ஹெட்டையும் தேர்வு செய்துள்ள அவர், மூன்றாம் இடத்திற்கு ஆர்சிபி வீரர் விராட் கோலியைத் தேர்வு செய்துள்ளார். அதனைத்தொடர்ந்து நான்காம் வரிசையில் ராஜஸ்தான் அணியின் சஞ்சு சாம்சனையும், ஐந்தாம் இடத்தில் லக்னோ அணியின் நிக்கோலஸ் பூரனையும் தேர்வு செய்துள்ளார்.
மேற்கொண்டு 6ஆம் இடத்தில் ராஜஸ்தானின் ரியான் பராக், 7ஆம் இடத்தில் சன்ரைசர்ஸ் அணியின் ஹென்ரிச் கிளாசென் ஆகியோரைத் தேர்வு செய்துள்ள அவர், அணியின் சுழற்பந்து வீச்சாளர்களாக கேகேஆர் அணியின் வருண் சக்ரவர்த்தி, ராஜஸ்தான் அணியின் யுஸ்வேந்திர சஹாலை தெர்ந்தெடுத்துள்ளார். வேகப்பந்து வீச்சாளர்களில் மும்பை அணியின் பும்ரா, ராஜஸ்தான் அணியின் ஆவேஷ் கான், சந்தீப் சர்மா ஆகியோருக்கு இடம் கொடுத்துள்ளார்.
மேத்யூ ஹைடன் தேர்வு செய்த ஐபிஎல் அணி: சுனில் நரைன், டிராவிஸ் ஹெட், விராட் கோலி, சஞ்சு சாம்சன், நிக்கோலஸ் பூரன், ரியான் பராக், ஹென்ரிச் கிளாசென், யுஸ்வேந்திர சாஹல், வருண் சக்ரவர்த்தி, ஜஸ்ப்ரித் பும்ரா, அவேஷ் கான், சந்தீப் சர்மா.
Win Big, Make Your Cricket Tales Now
