கம்பேக் கொடுக்கும் குல்தீப்; ரவி பிஸ்னோய்க்கு வாய்ப்பு - தகவல்!

வெஸ்ட் இண்டீஸ் தொடருக்கான இந்திய அணியில் குல்தீப் யாதவ், ரவி பிஸ்னோய் ஆகியோருக்கு வாய்ப்பு வழங்கப்பட்டுள்ளதாக தகவல் வெளியாகியுள்ளது.

Kuldeep Yadav To Return, Bishnoi Gets Maiden Call Up For T20I Series Against West Indies; Reports (Image Source: Google)

இந்திய அணி சமீபத்தில் தென் ஆப்பிரிக்காவில் சுற்றுப்பயணம் மேற்கொண்டு 3 போட்டிகள் கொண்ட ஒருநாள் மற்றும் டெஸ்ட் தொடரில் விளையாடியது.

இதில் டெஸ்ட் தொடரை 2-1 என்ற கணக்கில் இழந்த இந்திய அணி, ஒருநாள் தொடரில் 3-0 என்ற கணக்கில் தோல்வியடைந்து ஒயிட் வாஷ் ஆனது. 

இந்நிலையில் அடுத்த மாதம் வெஸ்ட் இண்டீஸ் அணியுடன் 3 போட்டிகள் அடங்கிய ஒருநாள் மற்றும் டி20 தொடரில் இந்தியா விளையாடுகிறது. 

இத்தொடருக்கான இந்திய அணி இன்னும் ஓரிரு நாள்களில் அறிவிக்கப்படும் என எதிர்பார்க்கப்படுகிறது. இந்நிலையில் இத்தொடருக்கான இந்திய அணியில் அனுபவ சுழற்பந்துவீச்சாளர் குல்தீப் யாதவிற்கு வாய்ப்பு வழங்கப்பட்டுள்ளதாக தகவல் வெளியாகியுள்ளது.

இந்திய அணியிலிருந்து நீண்ட நாள்களாக ஓரங்கட்டப்பட்டு வந்த குல்தீப் யாதவ் தற்போது மீண்டும் கம்பேக் கொடுக்கவுள்ளது ரசிகர்களை மகிழ்ச்சியில் ஆழ்த்தியுள்ளது.

அதேபோல் இளம் சுழற்பந்துவீச்சாளரான ரவி பிஸ்னோய் இந்திய அணிக்காக தனது முதல் போட்டியையும் விளையாடுவார் என்ற தகவலும் வெளியாகியுள்ளது குறிப்பிடத்தக்கது.  

Win Big, Make Your Cricket Tales Now