INDW vs SAW: டி20 தொடருக்கான தென் ஆப்பிரிக்க மகளிர் அணி அறிவிப்பு!
இந்திய மகளிர் அணிக்கு எதிரான டி20 தொடரில் விளையாடும் தென் ஆப்பிரிக்க மகளிர் அணி இன்று அறிவிக்கப்பட்டுள்ளது.
![Bharathi Kannan Bharathi Kannan](https://img.cricketnmore.com/uploads/2021/03/bk.jpg)
![Laura Wolvaardt to lead South Africa women's team in T20I series against India! INDW vs SAW: டி20 தொடருக்கான தென் ஆப்பிரிக்க மகளிர் அணி அறிவிப்பு!](https://img.cricketnmore.com/uploads/2024/07/South-Africa-womens-squad-for-India-T20Is-announced-lg1-lg.jpg)
இந்தியாவில் சுற்றுப்பயணம் மேற்கொண்டுள்ள தென் ஆப்பிரிக்க மகளிர் அணியானது 3 போட்டிகள் கொண்ட ஒருநாள், டி20 மற்றும் ஒரே ஒரு டெஸ்ட் போட்டி கொண்ட் தொடர்களில் விளையாடி வருகிறது. இதில் நடைபெற்று முடிந்த ஒருநாள் தொடரை இந்திய மகளிர் அணி 3-0 என்ற கணக்கில் முழுமையாக கைப்பற்றிய நிலையில், இரு அணிகளுக்கும் இடையேயான டெஸ்ட் போட்டியிலும் இந்திய அணி அபார வெற்றியைப் பதிவுசெய்து அசத்தியுள்ளது.
இதனையடுத்து இந்தியா - தென் ஆப்பிரிக்கா மகளிர் அணிகளுக்கு இடையேயான டி20 தொடரானது வரும் ஜூலை 5ஆம் தேதி முதல் சென்னை சேப்பாக்கம் கிரிக்கெட் மைதானத்தில் நடைபெறவுள்ளது. இந்நிலையில் இந்த டி20 தொடருக்கான தென் ஆப்பிரிக்கா மகளிர் அணியை அந்நாட்டு கிரிக்கெட் வாரியம் இன்று அறிவித்துள்ளது. இந்த அணியையும் லாரா வோல்வார்ட் வழிநடத்தவுள்ளார்.
Trending
மேலும் இந்த அணியில் சோலே டிரையான் சேர்க்கப்பட்டுள்ளார். மேற்கொண்டு ஒருநாள் மற்றும் டெஸ்ட் தொடர்களில் விளையாடிவரும் மரிஸான் கேப், தஸ்மின் பிரிட்ஸ், அன்னே போஷ்க், நதின் டி கிளார்க், சுனே லூஸ், அயபொங்கா காகா உள்ளிட்ட வீராங்கனைகளுக்கு டி20 தொடருக்கான தென் ஆப்பிரிக்க அணியிலும் இடம் கிடைத்துள்ளது குறிப்பிடத்தக்கது.
Also Read: Akram ‘hopes’ Indian Team Will Travel To Pakistan For 2025 Champions Trophy
தென் ஆப்பிரிக்க மகளிர் டி20 அணி: லாரா வோல்வார்ட் (கேப்டன்), அன்னேக் போஷ், தஸ்மின் பிரிட்ஸ், நாதின் டி கிளார்க், அன்னேரி டெர்க்சன், மைக் டி ரிடர், சினாலோ ஜாஃப்டா, மரிஸான் கேப், அயபோங்கா காகா, மசபடா கிளாஸ், சுனே லூஸ், எலிஸ்-மாரி மார்க்ஸ், நோன்குலுலேகோ ம்லாபா, துமி செக்குகுனே, சோலே டிரையான்.
Win Big, Make Your Cricket Tales Now