IND vs SL: உத்தேச அணிகளை அறிவித்த இர்ஃபான் & விவிஎஸ் லக்ஷ்மண்!

இலங்கை அணிக்கெதிரான முதல் ஒருநாள் போட்டியில் விளையாடும் இந்திய அணியில் இடம்பெறும் உத்தேச பிளேயிங் லெவனை இந்திய அணியின் முன்னாள் வீரர்கள் இர்ஃபான் பதான், விவிஎஸ் லக்ஷ்மண் அறிவித்துள்ளனர்.

ஷிகர் தவான் தலைமையிலான இந்திய அணி இலங்கையில் சுற்றுப்பயணம் செய்து, அந்த அணிக்கெதிராக 3 ஒருநாள், 3 டி20 போட்டிகள் கொண்ட தொடரிவில் விளையாடவுள்ளது. 

இந்நிலையில் இரு அணிகளுக்கும் இடையேயான முதல் ஒருநாள் போட்டி ஜூலை 13ஆம் தேதி கொழும்புவில் நடைபெறுகிறது. விராட் கோலி, ரோஹித் சர்மா உள்ளிட்ட முதன்மை வீரர்கள் இல்லாமல் சென்றுள்ள இந்திய அணியின் இத்தொடர் மிதான எதிர்பார்ப்பு நாளுக்கு நாள் அதிகரித்து வருகிறது. 

இதற்கிடையில் இலங்கை அணியுடனான போட்டியில் களமிறங்கும் உத்தேச அணிகளை முன்னாள் வீரர்கள் கணித்து வருகின்றனர். அதன்படி இந்திய அணியின் முன்னாள் வீரர்களான விவிஎஸ் லக்ஷ்மண், இர்ஃபான் பதான் ஆகியோர் தங்களது உத்தேச அணிகளை தெரிவித்துள்ளனர். 

விவிஎஸ் லக்ஷ்மன் உத்தேச லெவன்: 

ஷிகர் தவான், பிரித்வி ஷா, சூர்யகுமார் யாதவ், சஞ்சு சாம்சன், மனிஷ் பாண்டே, ஹர்திக் பாண்டியா, குர்னால் பாண்டியா, புவனேஷ்வர் குமார், தீபக் சஹார், குல்தீப் யாதவ், யுஸ்வேந்திர சஹால்.

இர்ஃபான் பதான் உத்தேச லெவன்:

ஷிகர் தவான், பிரித்வி ஷா, சூர்யகுமார் யாதவ், சஞ்சு சாம்சன், நிதீஷ் ராணா, மனிஷ் பாண்டே, ஹர்திக் பாண்டியா, புவனேஷ்வர் குமார், தீபக் சஹார், குல்தீப் யாதவ், யுஸ்வேந்திர சஹால்.

இருவரது அணியிலும் ஒரே ஒரு மாற்றங்கள் மட்டுமே செய்துள்ளன. அதேசமயம் அறிமுக வீரர்களான தேவ்தத் படிக்கல், ருதுராஜ் கெய்க்வாட், வருண் சக்ரவர்த்தி ஆகியோருக்கு இந்த அணியில் இடம் கிடைக்கவில்லை என்பது குறிப்பிடத்தக்கது.