எல்பிஎல் 2023: தம்புலா அணியை 134 ரன்களில் சுருட்டியது ஜாஃப்னா கிங்ஸ்!

ஜாஃப்னா கிங்ஸிற்கு எதிரான எல்பிஎல் லீக் ஆட்டத்தில் முதலில் பேட்டிங் செய்த தம்புலா ஆரா அணி 8 விக்கெட்டுகளை இழந்து 134 ரன்களைச் சேர்த்துள்ளது.

எல்பிஎல் 2023: தம்புலா அணியை 134 ரன்களில் சுருட்டியது ஜாஃப்னா கிங்ஸ்! (Image Source: Google)

இலங்கையில் நடைபெற்றுவரும் லங்கா பிரீமியர் லீக் தொடரின் நடப்பாண்டு சீசன் விறுவிறுப்பாக நடைபெற்றுவருகிறது. இதில் இன்று நடைபெற்றுவரும் 11அவது லீக் ஆட்டத்தில் தம்புலா ஆரா - ஜாஃப்னா கிங்ஸ் அணிகள் பலப்பரீட்சை நடத்திவருகின்றன. இப்போட்டியில் டாஸ் வென்ற ஜாஃப்னா அணி முதலில் பந்துவீசுவதாக அறிவித்தது. 

அதன்படி களமிறங்கிய தம்புலா ஆரா அணிக்கு ஆரம்பமே அதிர்ச்சி காத்திருந்தது. அணியின் தொடக்க வீரர்கள் அவிஷ்கா ஃபெர்னாண்டோ, கேப்டன் குசால் மெண்டிஸ் ஆகியோர் அடுத்தடுத்து ரன்கள் ஏதுமின்றி விக்கெட்டை இழந்து ஏமாற்றமளித்தனர். அதன்பின் இணைந்த சமரவிக்ரமா - குசால் பெரேரா இணை பொறுப்பான ஆட்டத்தை வெளிப்படுத்தி வெளிப்படுத்தினர். 

இருவரும் இணைந்து பொறுப்பாக விளையாட அணியின் ஸ்கோரும் மளமளவென உயர்ந்தது. இதில் சமரவிக்ரமா 30 ரன்களுக்கும், குசால் பெரேரா 41 ரன்களுக்கும் என ஆட்டமிழக்க, அடுத்து களமிறங்கிய தனஞ்செயா டி சில்வா, அலெஸ்க் ரோஸ், ஜனித் லியாங்கே, ஹசன் அலி என அடுத்தடுத்து சொற்ப ரன்களுக்கு விக்கெட்டுகளை இழந்தனர். 

இறுதியில் ஹைடன் கெர் ஓரளவு தாக்குப்பிடித்து 2 பவுண்டரி, ஒரு சிக்சர் என 25 ரன்களைச் சேர்த்தார். இதன்மூலம் நிர்ணயிக்கப்பட்ட 20 ஓவர்கள் முடிவில் தம்புலா ஆரா அணி 8 விக்கெட்டுகளை இழந்து 134 ரன்களைச் சேர்த்துள்ளது. ஜாஃப்னா அணி தரப்பில் ஷோயிப் மாலிக், நுவான் துஷாரா ஆகியோர் தலா 2 விக்கெட்டுகளைக் கைப்பற்றினர். 

Win Big, Make Your Cricket Tales Now