LPL 2024: கொழும்பு ஸ்டிரைகர்ஸ் அணியை வீழ்த்தி கலே மார்வெல்ஸ் அணி அபார வெற்றி!
Lanka Premier League, 2024: கொழும்பு ஸ்டிரைகர்ஸ் அணிக்கு எதிரான லீக் போட்டியில் கலே மார்வெல்ஸ் அணி 15 ரன்கள் வித்தியாசத்தில் அசத்தல் வெற்றியைப் பதிவுசெய்தது.
![Bharathi Kannan Bharathi Kannan](https://img.cricketnmore.com/uploads/2021/03/bk.jpg)
![LPL 2024: Isuru Udana star in Galle Marvels' thrilling last-ball win over Colombo Strikers! LPL 2024: கொழும்பு ஸ்டிரைகர்ஸ் அணியை வீழ்த்தி கலே மார்வெல்ஸ் அணி அபார வெற்றி!](https://img.cricketnmore.com/uploads/2024/07/Galle-Marvels1-lg.jpg)
இலங்கையில் நடைபெற்றுவரும் 5ஆவது சீசன் லங்கா பிரீமியர் லீக் தொடர் விறுவிறுப்பாக நடைபெற்று வருகிறது. இதில் இன்று நடைபெற்ற 5ஆவது லீக் போட்டியில் கலே மார்வெல்ஸ் மற்றும் கொழும்பு ஸ்டிரைகர்ஸ் அணிகள் பலப்பரீட்சை நடத்தின. இப்போட்டியில் டாஸ் வென்ற கொழும்பு ஸ்டிரைக்கர்ஸ் அணி முதலில் பந்துவீசுவதாக அறிவித்தது. இதையடுத்து களமிறங்கிய கலே அணிக்கு நிரோஷன் டிக்வெல்லா - அலெக்ஸ் ஹேல்ஸ் தொடக்கம் கொடுத்தனர்.
இதில் அலெக்ஸ் ஹேல்ஸ் 14 ரன்களில் விக்கெட்டை இழக்க, அடுத்து களமிறங்கிய டிம் செய்ஃபெர்ட் 12 ரன்களிலும், பனுகா ராஜபக்ஷா ரன்கள் ஏதுமின்றியும் அடுத்தடுத்து விக்கெட்டுகளை இழந்தனர். அதேசமயம் மறுபக்கம் அதிரடியாக விளையாடி அரைசதம் கடந்திருந்த கேப்டன் நிரோஷன் டிக்வெல்லா 6 பவுண்டரி, 3 சிக்ஸர்கள் உள்பட 50 ரன்களைச் சேர்த்த நிலையில் விக்கெட்டை இழந்தார்.
Trending
அத்ன்பின் இணைந்த சஹான் அராச்சிகே மற்றும் இசுரு உதானா இணையும் அதிரடியாக விளையாட அணியின் ஸ்கோரும் மளமளவென உயர்ந்தது. இதில் அபார ஆட்டத்தை வெளிப்படுத்திய உதானா அரைசதம் கடந்தார். அதன்பின் சஹான் அராச்சிகே 35 ரன்களிலும், இசுரு உதானா 52 ரன்களிலும் என விக்கெட்டுகளை இழக்க, அடுத்து களமிறங்கிய வீரர்களும் அடுத்தடுத்து சொற்ப ரன்களுக்கு விக்கெட்டை இழந்தார்.
இதன்மூலம் 20 ஓவர்கள் முடிவில் கலே மார்வெல்ஸ் அணியானது அனைத்து விக்கெட்டுகளையும் இழந்து 179 ரன்களுக்கு ஆல் அவுட்டானது. கொழும்பு ஸ்டிரைக்கர்ஸ் அணி தரப்பில் அபாரமான பந்துவீச்சை வெளிப்படுத்திய ஷதாப் கான் 4 விக்கெட்டுகளையும், பினுரா ஃபெர்னாண்டோ 3 விக்கெட்டுகளையும் கைப்பற்றினார். இதனையடுத்து இலக்கை நோக்கி விளையாடிய கொழும்பு அணிக்கு எதிர்பார்த்த தொடக்கம் கிடைக்கவில்லை.
அந்த அணியின் தொடக்க வீரர் ஷெவன் டேனியல் 7 ரன்களிலும், முகமது வசீம் 16 ரன்களிலும் என அடுத்தடுத்து விக்கெட்டுகளை இழக்க, மற்றொரு தொடக்க வீரரான ரஹ்மனுல்லா குர்பாஸ் 29 ரன்களுக்கு விக்கெட்டை இழந்தார். அதன்பின் கலமிறங்கிய சமரவிக்ரமா 16 ரன்களுக்கும், கிளென் பிலீப்ஸ் 26 ரன்களுக்கும், கேப்டன் திசாரா பெரேரா 18 ரன்களுக்கும், ஷதாப் கான் ரன்கள் ஏதுமின்றியும் என அடுத்தடுத்து விக்கெட்டுகளை இழந்தனர்.
Also Read: Akram ‘hopes’ Indian Team Will Travel To Pakistan For 2025 Champions Trophy
அதேசமயம் மறுபக்கம் இறுதிவரை அணியின் வெற்றிக்காக போராடிய துனித் வெல்லலாகே 5 பவுண்டரி, 2 சிக்ஸர்கள் என 45 ரன்களைச் சேர்த்த போதும், கொழும்பு ஸ்டிரைக்கர்ஸ் அணியால் 20 ஓவர்கள் முடிவில் 9 விக்கெட் இழப்பிற்கு 172 ரன்களை மட்டுமே எடுக்க முடிந்தது. இதன்மூலம் கலே மார்வெல்ஸ் அணியானது 7 ரன்கள் வித்தியாசத்தில் கொழும்பு ஸ்டிரைக்கர்ஸ் அணியை வீழ்த்தி த்ரில் வெற்றியைப் பதிவுசெய்து அசத்தியது.
Win Big, Make Your Cricket Tales Now