மார்க்ரமை தனது யார்க்கரின் மூலம் க்ளீன் போல்டாக்கிய பதிரனா - வைரல் காணொளி!
சன்ரைசர்ஸ் ஹைதராபாத் அணிக்கு எதிரான லீக் போட்டியில் சிஎஸ்கே வீரர் மதீஷா பதிரனா தனது அபாரமான யார்க்கரின் மூலம் ஐடன் மார்க்ரமை க்ளீன் போல்டாக்கிய காணொளி வைராலாகியுள்ளது.
விறுவிறுப்பாக நடைபெற்று வரும் ஐபிஎல் தொடரின் 17ஆவது சீசனில் நேற்று சென்னை சேப்பாக்கத்தில் உள்ள எம் ஏ சிதம்பரம் மைதானத்தில் நடைபெற்ற லீக் போட்டி ஒன்றில் சென்னை சூப்பர் கிங்ஸ் அணியுடன் சன்ரைசர்ஸ் ஹைதரபாத் அணி மோதியது. இப்போட்டியில் டாஸ் வென்ற சன்ரைசர்ஸ் ஹைதராபாத் அணி முதலில் பந்துவீச்சை தேர்வு செய்து சிஎஸ்கே அணியை பேட்டிங் செய்ய அழைத்தது. .
அதன்படி முதலில் பேட்டிங் செய்ய களமிறங்கிய சென்னை சூப்பர் கிங்ஸ் அணி 20 ஓவர்களில் 212 ரன்கள் குவித்தது. இதில் அதிகபட்சமாக கேப்டன் ருதுராஜ் கெய்க்வாட் 98 ரன்கள் விளாசினார். இதையடுத்து 213 ரன்கள் எடுத்தால் வெற்றி என்ற இலக்குடன் பேட்டிங் செய்ய களமிறங்கிய சன்ரைசரஸ் ஹைதரபாத் அணி, 18.5 ஓவர்களில் 134 ரன்கள் எடுத்திருந்த நிலையில், அனைத்து விக்கெட்டுகளையும் இழந்தது. இதன்மூலம் சிஎஸ்கே அணி 78 ரன்கள் வித்தியாசத்தில் சன்ரைசர்ஸ் ஹைதராபாத் அணியை வீழ்த்தி அபார வெற்றிபெற்றது.
Trending
இப்போட்டியில் அபாரமாக விளையாடி 98 ரன்களைச் சேர்த்து அணியின் வெற்றிக்கு காரணமாக இருந்த சிஎஸ்கே அணியின் கேப்டன் ருதுராஜ் கெய்க்வாட் ஆட்டநாயகனாக தேர்வுசெய்யப்பட்டார். இந்நிலையில் இப்போட்டியில் சென்னை சூப்பர் கிங்ஸ் அணி வேகப்பந்து வீச்சாளர் மதீஷா பதிரான தனது யார்க்கரின் மூலம் ஐடன் மார்க்ரமை க்ளீன் போல்ட்டாக்கிய காணொளி இணையத்தில் வைரலாகி வருகிறது.
MATHEESHA PATHIRANA UPROOTING THE MIDDLE STUMP. pic.twitter.com/PgVFfdcjk0
— Mufaddal Vohra (@mufaddal_vohra) April 28, 2024
அதன்படி நேற்றைய போட்டியில் சன்ரைசர்ஸ் ஹைதராபாத் அணி அடுத்தடுத்து விக்கெட்டுகளை இழந்து தடுமாறிய நிலையில் ஐடன் மார்க்ரம் ஒருபக்கம் நிதான ஆட்டத்தை வெளிப்படுத்தி வந்தார். நேற்றைய போட்டியில் 32 ரன்களைச் சேர்த்திருந்த மார்க்ரம், இன்னிங்ஸின் 11ஆவது ஓவரை வீசிய மதீஷா பதிரனாவின் யார்க்கரை கணிக்க தவறி பந்தை தவறவிட்டார். இதனால் க்ளீன் போல்டான மார்க்ரம் ஒரு நிமிடம் என்ன நடந்தது என்பது தெரியாமல் சோகத்துடன் பெவிலியன் திரும்பினார். இக்காணொளியானது இணையத்தில் வைரலாகியுள்ளது.
Win Big, Make Your Cricket Tales Now
Cricket Scorecard
