சர்வதேச அனுபவமில்லாதவரை பயிற்சியாளராக நியமித்தது இங்கிலாந்து!
இங்கிலாந்து வெள்ளைப்பந்து அணிகளுக்கான தலைமை பயிற்சியாளராக ஆஸ்திரேலியாவை சேர்ந்த மேத்யூ மோட் நியமிக்கப்பட்டுள்ளார்.
இங்கிலாந்து அணி டெஸ்ட் மற்றும் வெள்ளைப்பந்து கிரிக்கெட் அணிகளுக்கு தனித்தனி கேப்டனை நியமித்ததுபோல், இப்போது பயிற்சியாளர்களையும் தனித்தனியாக நியமித்துள்ளது. டெஸ்ட் அணியின் பயிற்சியாளராக நியூசிலாந்து முன்னாள் ஜாம்பவான் பிரண்டன் மெக்கல்லம் நியமிக்கப்பட்டார்.
இப்போது ஒருநாள் மற்றும் டி20 அணிகளுக்கான தலைமை பயிற்சியாளராக ஆஸ்திரேலியாவை சேர்ந்த மேத்யூ மோட் நியமிக்கப்பட்டுள்ளார். மேத்யூ மோட் முதல் தர மற்றும் லிஸ்ட் ஏ கிரிக்கெட்டில் மட்டுமே ஆடியிருக்கிறாரே தவிர, சர்வதேச கிரிக்கெட்டில் ஆடியதில்லை. ஆனால் பயிற்சியாளராக நீண்ட நெடிய அனுபவம் மிக்கவர்.
2015ஆம் ஆண்டிலிருந்து ஆஸ்திரேலிய மகளிர் கிரிக்கெட் அணியின் பயிற்சியாளராக இருந்துவந்த மேத்யூ மோட், இங்கிலாந்து அணியின் பயிற்சியாளர் பொறுப்பை ஏற்கவிருப்பதால், அந்த பொறுப்பிலிருந்து விலகிவிட்டார்.
Trending
Win Big, Make Your Cricket Tales Now
