ஐபிஎல் 2024: மும்பை இந்தியன்ஸ் vs ராஜஸ்தான் ராயல்ஸ் -உத்தேச லெவன்!

ஐபிஎல் தொடரில் இன்று நடைபெறும் லீக் போட்டியில் மும்பை இந்தியன்ஸ் - ராஜஸ்தான் ராயல்ஸ் அணிகள் மோதவுள்ள நிலையில், இரு அணிகளின் கணிக்கப்பட்ட பிளேயிங் லெவன் குறித்து இப்பதிவில் பார்ப்போம்.

ஐபிஎல் 2024: மும்பை இந்தியன்ஸ் vs ராஜஸ்தான் ராயல்ஸ் -உத்தேச லெவன்! (Image Source: Google)

 

ஐபிஎல் தொடரின் 17ஆவது சீசனானது இந்தியாவின் பல்வேறு நகரங்களில் கோலாகலமாக நடைபெற்றுவருகிறது. இதில் இன்று நடைபெறும் 14ஆவது லீக் போட்டியில் ஹர்திக் பாண்டியா தலைமையிலான மும்பை இந்தியஸ் அணியை எதிர்த்து, சஞ்சு சாம்சன் தலைமையிலான ராஜஸ்தான் ராயல்ஸ் அணி பலபரீட்சை நடத்தவுள்ளது. நடப்பு ஐபிஎல் சீசனில் மும்பை இந்தியன்ஸ் அணி விளையாடிய இரண்டு போட்டிகளிலும் தோல்வியைத் தழுவி புள்ளிப்பட்டியலின் கடைசி இடத்திற்கு தள்ளப்பட்டுள்ளது.

அதேசமயம் ராஜஸ்தான் ராயல்ஸ் அணியானது இரண்டு போட்டிகளில் இரண்டு வெற்றியைப் பெற்று அசத்தியுள்ளது. இதனால் முதல் வெற்றியைப் பெறும் முனைப்புடன் மும்பை அணியும், ஹாட்ரிக் வெற்றியைப் பெறும் முனைப்பில் ராஜஸ்தான் ராயல்ஸ் அணியும் விளையாடவுள்ளதால் இப்போட்டியின் மீதுள்ள எதிர்பார்ப்புகளும் எகிறியுள்ளது. இந்நிலையில் இப்போட்டிக்கான இரு அணிகளின் பிளேயிங் லெவன் குறித்து இங்கு பார்க்கலாம்.

மும்பை இந்தியன்ஸ்

ஹர்திக் பாண்டியா தலைமையிலான மும்பை இந்தியன்ஸ் அணி வலிமை மிக்க அணிகளில் ஒன்றாக பார்கக்ப்பட்டாலும் நடப்பு சீசனில் அடுத்தடுத்து தோல்விகளைச் சந்தித்து ரசிகர்களுக்கு அதிர்ச்சி கொடுத்துள்ளது. அதிலும் கடந்த போட்டியில் அந்த அணியின் பந்துவீச்சாளர்கள் ரன்களை வாரி வழங்கியதுடன், ஐபிஎல் தொடரில் மிகப்பெரும் வரலாற்று சாதனையை ஹைதராபாத் அணி படைக்கவும் முக்கிய காரணமாக அமைந்தனர். பேட்டிங்கை பொறுத்தவரையில் ரோஹித் சர்மா, இஷான் கிஷான், திலக் வர்மா, டிம் டேவிட், ஹர்திக் பாண்டியா ஆகியோரும், பந்துவீச்சில் ஜஸ்ப்ரித் பும்ராவைத் தவிர்த்து மற்ற வீரர்கள் யாரும் பெரிதளவில் சோபிக்க தவறிவருகின்றன. இதனால் நாளைய போட்டிக்கான மும்பை அணியில் ஒருசில மாற்றங்கள் நிகழ வாய்ப்புள்ளது.

மும்பை இந்தியன்ஸ் உத்தேச லெவன்: ரோஹித் சர்மா, இஷான் கிஷன், நமன் தீர், திலக் வர்மா, ஹர்திக் பாண்டியா (கேப்டன்), டிம் டேவிட், ஜெரால்ட் கோட்ஸி, ஷம்ஸ் முலானி, பியூஷ் சாவ்லா, ஜஸ்பிரித் பும்ரா, குவேனா மபகா.

ராஜஸ்தான் ராயல்ஸ்

சஞ்சு சாம்சன் தலைமையில் நடப்பு சீசனை எதிர்கொண்டுள்ள ராஜஸ்தான் ராயல்ஸ் அணி முதலிரண்டு போட்டிகளிலும் அபாரமான ஆட்டத்தை வெளிப்படுதியதுடன் வெற்றியையும் பெற்று புள்ளிப்பட்டியலில் முன்னிலை வகிக்கிறது. அந்த அணியின் பேட்டிங்கை எடுத்துக்கொண்டால் யஷஸ்வி ஜெய்ஸ்வால், ஜோஸ் பட்லர், சஞ்சு சாம்சன், ரியான் பராக், துருவ் ஜுரெல் , ஷிம்ரான் ஹெட்மையர் போன்ற வீரர்கள் இருப்பது அணியின் வலிமையாக பார்க்கப்படுகிறது. பந்துவீச்சை எடுத்துக்கொண்டால் டிரெண்ட் போல்ட், ரவிச்சந்திரன் அஸ்வின், யுஸ்வேந்திர சஹால், நந்த்ரே பர்கர் போன்ற வீரர்கள் இருப்பது அணியின் பலமாக பார்க்கப்படுகிறது. இதனால் இன்றைய போட்டிக்கான ராஜஸ்தான் ராயல்ஸ் அணியின் பிளேயிங் லெவனில் மாற்றங்கள் ஏதும் இருக்காது என எதிர்பார்க்கப்படுகிறது. 

ராஜஸ்தான் ராயல்ஸ் உத்தேச லெவன்: யஷஸ்வி ஜெய்ஸ்வால், ஜோஸ் பட்லர், சஞ்சு சாம்சன் (கேப்டன்), ரியான் பராக், துருவ் ஜூரல், ரவிச்சந்திரன் அஸ்வின், டிரென்ட் போல்ட், அவேஷ் கான், சந்தீப் சர்மா, யுஸ்வேந்திர சாஹல், நந்த்ரே பர்கர்.