நாடு திரும்புகிறார் மைக் ஹஸ்ஸி!

சென்னை சூப்பர் கிங்ஸ் அணியின் பேட்டிங் பயிற்சியாளர் மைக் ஹஸ்ஸி தனி விமானம் மூலம் இன்று சொந்த நாடு திரும்புவதாக தகவல் வெளியாகியுள்ளது.

சென்னை சூப்பர் கிங்ஸ் அணியின் பேட்டிங் பயிற்சியாளர் மைக் ஹஸ்ஸி. இவருக்கு ஐபிஎல் தொடரின் போது கரோனா தொற்று உறுதி செய்யப்பட்டது. இதையடுத்து ஐபிஎல் தொடரின் 14ஆவது சீசனை தேதி குறிப்பிடாமல் பிசிசிஐ ஒத்திவைத்துள்ளது. 

இந்நிலையில் சென்னையிலுள்ள மருத்துவமனையில் சிகிச்சை பெற்றுவந்த மைக் ஹஸ்ஸிக்கு, சமீபத்தில் மேற்கொள்ளப்பட்ட கரோனா பரிசோதனையின் முடிவில் தொற்று இல்லை என்பது உறுதி செய்யப்பட்டது. 

இதனையடுத்து அவர் தனது சொந்த ஊருக்கு திரும்பும் முனைப்பில் சென்னை சூப்பர் கிங்ஸ் அணி ஈடுபட்டிருந்தது. இந்நிலையில் தனி விமானம் மூலம் மைக் ஹஸ்ஸி இன்று சொந்த நாட்டிற்கு திரும்பவுள்ளார் என்ற தகவல் வெளியாகியுள்ளது. 

இதையடுத்து மைக் ஹஸ்ஸி இன்று சிட்னி திரும்பவது ஏறத்தாழ உறுதியாகியுள்ளது. சொந்த நாடு திரும்பும் ஹஸ்ஸி, அங்கு 14 நாள்கள் தனிமைப்படுத்தப்படுவார் என்பது குறிப்பிடத்தக்கது.

Win Big, Make Your Cricket Tales Now