சர்வதேச ஒருநாள் கிரிக்கெட்டில் சாதனைப் படைத்த மிட்செல் ஸ்டார்க்!

ஒருநாள் கிரிக்கெட்டில் குறைவான போட்டிகளில் விளையாடி 200 விக்கெட்டுகளை எடுத்த வீரர் என்கிற சாதனையைப் ஆஸ்திரேலிய வேகப்பந்து வீச்சாளர் மிட்செல் ஸ்டார்க் படைத்துள்ளார்.

By Bharathi Kannan
Sep 03, 2022 • 04:07 PM

Mitchell Starc Becomes Quickest Bowler To Scalp 200 ODI Wickets, Breaks 23-Year-Old Record (Image Source: Google)

ஆஸ்திரேலியாவுக்கு எதிரான 3ஆவது ஒருநாள் போட்டியை வென்று ஜிம்பாப்வே அணி வரலாறு படைத்துள்ளது . ஜிம்பாப்வே அணி ஆஸ்திரேலியாவுக்குச் சுற்றுப்பயணம் செய்து 3 ஒருநாள் ஆட்டங்களில் விளையாடியது.

முதல் இரு ஆட்டங்களை எளிதாக வென்று தொடரை வென்றது ஆஸ்திரேலிய அணி. 3ஆவது ஒருநாள் ஆட்டத்தில் முழு பலம் கொண்ட ஆஸி அணி எதிர்பாராதவிதமாக 31 ஓவர்களில் 141 ரன்களுக்கு அனைத்து விக்கெட்டுகளையும் இழந்தது. டேவிட் வார்னர் மட்டும் சிறப்பாக பேட்டிங் செய்து 94 ரன்கள் எடுத்தார். 28 வயது சுழற்பந்து வீச்சாளர் ரையன் பர்ல், 5 விக்கெட்டுகளை வீழ்த்தி அசத்தினார்.

அதன்பின் எளிதான இலக்கை விரட்ட ஜிம்பாப்வே தடுமாறினாலும் 39 ஓவர்களில் 7 விக்கெட் இழப்புக்கு 142 ரன்கள் எடுத்து மகத்தான வெற்றியை அடைந்தது. இதன்மூலம் ஆஸ்திரேலிய மண்ணில் முதல்முறையாக ஆஸ்திரேலிய அணியை ஜிம்பாப்வே அணி தோற்கடித்து வரலாறு படைத்துள்ளது.

இதன் மூலம் 1992ஆம் ஆண்டு முதல் முதல்முறையாக ஆஸ்திரேலியாவில் விளையாடிய ஜிம்பாப்வே, 30 வருடங்கள் கழித்து மீண்டும் விளையாட வந்து முதல் வெற்றியை அடைந்துள்ளது. இந்த ஆட்டத்தில் ஆஸ்திரேலிய வேகப்பந்து வீச்சாளர் மிட்செல் ஸ்டார்க், 8 ஓவர்கள் வீசி 1 விக்கெட் எடுத்தார். இதன்மூலம் புதிய சாதனையை அவர் நிகழ்த்தியுள்ளார்.

ஒருநாள் கிரிக்கெட்டில் குறைவான போட்டிகளில் 200 விக்கெட்டுகளை எடுத்தவர் என்கிற பாகிஸ்தான் வீரர் சக்லைன் முஸ்டாக்கின் சாதனையை முறியடித்துள்ளார் மிட்செல் ஸ்டார்க். 1995இல் 104 ஒருநாள் போட்டிகளில் 200 விக்கெட்டுகளை எடுத்து சாதனை படைத்தார் சக்லைன் முஸ்டாக். அதனைத் தற்போது 102 ஒருநாள் ஆட்டங்களில் 200 விக்கெட்டுகளை எடுத்துள்ளார் ஸ்டார்க்.

குறைந்த ஆட்டங்களில் 200 விக்கெட்டுகள்