உமிழ்நீரை பயன்படுத்தி சர்ச்சையில் சிக்கிய முகமது நவாஸ்; ஐசிசியின் நடவடிக்கை பாயுமா?

டி20 உலககோப்பை கிரிக்கெட் போட்டியில் இந்தியாவுக்கு எதிரான ஆட்டத்தில் விதிகளை மீறி பாகிஸ்தான் வீரர் ஏமாற்றியது தற்போது தெரியவந்துள்ளது.

Mohammed Nawaz Used Saliva on The Ball During IND vs PAK T20 World Cup 2022 Match? (Image Source: Google)

இந்தியாவின் வெற்றிக்கு கடைசி கட்டத்தில் 16 ரன்கள் தேவைப்பட்ட நிலையில், அந்த ஓவரில் பல்வேறு புகார்களை பாகிஸ்தான் ரசிகர்கள் கூறி வருகின்றனர். குறிப்பாக, நடுவர்கள் தவறு செய்ததால் தான் இந்தியா வென்றதாக பாகிஸ்தான் ரசிகர்கள் விமர்சித்து வந்தனர்.

இந்த நிலையில் தான் பாகிஸ்தான் வீரர் நவாஸ் புதிய சர்ச்சையில் சிக்கியுள்ளார். அதாவது 19.3வது ஓவர் முடிவில் அடுத்த பந்தை வீசும் போது நவாஸ், தனது எச்சிலை தொட்டு பந்தில் தடவினார். இந்த முறையை ஐசிசி அண்மையில் தடை செய்துள்ளது. முதலில் கரோனா அச்சுறுத்தலால் தடை செய்யப்பட்ட நிலையில், பிறகு நிரந்தர தடை விதிக்கப்பட்டது.

பந்தை எச்சிலால் தடவி, ஒரு புறத்தில் பளபளவென வைத்து விட்டு, மற்றொரு புறத்தில் பந்தை பழசாக வைத்திருந்தால், ரிவர்ஸ் ஸிவிங் சிறப்பாக செய்யப்படும். மேலும் சுழற்பந்துவீச்சாளர்களும் பந்தை ஸ்விங் செய்ய முடியும். தற்போது ஐசிசி தடை செய்ததன் காரணமாக வீரர்கள் எச்சிலை தடவாமல் பந்தை தங்களது உடையில் தேய்த்து வருகின்றனர்.

ஆனால் நவாஸ் எச்சிலை தொட்டு பந்தை தடவுவது விதிகளுக்கு எதிரானது என்பதால் பாகிஸ்தான் கிரிக்கெட் அணி மீது நடவடிக்கை எடுக்க வேண்டும் என்று இந்திய ரசிகர்கள் கோரிக்கை விடுத்துள்ளனர். கடைசி ஓவரில் தான் நவாஸ் எச்சிலை பந்தில் தடவியது தெரியவந்தது. இதனால், பாகிஸ்தான் வீரர்கள் பலரும் பந்தை ரிவர்ஸ் ஸ்விங் செய்வதற்காக எச்சிலை தடவி இருக்கலாம் என்று இந்திய ரசிகர்கள் புகார் தெரிவித்துள்ளனர்.

 

Discrepancy during the game #INDvsPAK 20th Over by Nawaz, saliva used on ball. Was any penalty laid after the game by match officials ? pic.twitter.com/2P5cyVSvCz

— darShan (@pdarshan23) October 24, 2022

இந்திய ரசிகர்களின் இந்த குற்றச்சாட்டுக்கு இதுவரை பாகிஸ்தான் தரப்பிலிருந்து எவ்வித விளக்கமும் வரவில்லை. இந்த நிலையில், பாகிஸ்தான் அணி வரும் வியாழக்கிழமை ஜிம்பாப்வே அணியை எதிர்கொள்கிறது. இந்தப் போட்டியை அந்த அணி வென்றே ஆக வேண்டும் என்ற கட்டாயத்தில் உள்ளது.

Win Big, Make Your Cricket Tales Now