தொடரில் இருந்து விலகிய விக்னேஷ் புதூர்; மாற்று வீரரை தேர்வு செய்தது மும்பை இந்தியன்ஸ்!

காயம் காரணமாக விக்னேஷ் புதூர் ஐபிஎல் தொடரில் இருந்து விலகிய நிலையில், அவருக்கு மாற்றாக ரகு சர்மாவை மும்பை இந்தியன்ஸ் அணி ஒப்பந்தம் செய்துள்ளது.

தொடரில் இருந்து விலகிய விக்னேஷ் புதூர்; மாற்று வீரரை தேர்வு செய்தது மும்பை இந்தியன்ஸ்! (Image Source: Google)

ஹர்திக் பாண்டியா தலைமையிலான மும்பை இந்தியன்ஸ் அணி தொடரின் ஆரம்பத்தில் தோல்வியைத் தழுவிய நிலையில், தற்போது அடுத்தடுத்து வெற்றிகளைப் பூர்த்தி செய்து அசதியாதுடன் பிளே ஆஃப் சுற்றுக்கான வாய்ப்பையும் ஏறத்தாழ உறுதிசெய்துள்ளது. 

அந்தவகையில் இத்தொடரில் மும்பை அணி விளையாடிய 10 போட்டிகளில் 6 வெற்றிகள் மற்றும் 4 தோல்விகளுடன் 12 புள்ளிகளைப் பெற்று புள்ளிப்பட்டியளின் மூன்றாம் இடத்தில் உள்ளது. இந்நிலையில் இன்று நடைபெறும் லீக் போட்டியில் மும்பை இந்தியன்ஸ் அணியானது ராஜஸ்தான் ராயல்ஸ் அணியை எதிர்த்து பலப்பரீட்சை நடத்தவுள்ளது. இதிலும் மும்பை அணி வெற்றிபெறும் நிலையில் புள்ளிப்பட்டியலின் முதலிடத்திற்கும் முன்னேறும் என்பதால் கூடுதல் எதிர்பார்ப்புகள் உள்ளது. 

இந்நிலையில் இப்போட்டிக்கு முன்னதாக மும்பை அணி பின்னடைவை சந்தித்துள்ளது. அதன்படி நடப்பு ஐபிஎல் தொடரில் அறிமுக வீரராக மும்பை இந்தியன்ஸ் அணியில் விளையாடி வந்த விக்னோஷ் புதூர் காயம் காரணமாக தொடரில் இருந்து விலகியுள்ளதாக அறிவிக்கப்பட்டுள்ளது. முன்னதாக வீரர்கள் ஏலத்தில் கேரளாவைச் சேர்ந்த விக்னேஷ் புதுரை மும்பை இந்தியன்ஸ் அணி அவரின் அடிப்படை தொகையான ரூ.30 லட்சத்திற்கு ஏலம் எடுத்தது. 

அதன்பின் இத்தொடரில் சிஎஸ்கேவுக்கு எதிரான முதல் போட்டியிலேயே மும்பை இந்தியன்ஸ் அணிக்காக அறிமுகமான விக்னேஷ் புதூர் தனது சிறப்பான பந்துவீச்சின் மூலம் 3 விக்கெட்டுகளை வீழ்த்தி ரசிகர்களின் கவனத்தை ஈர்த்தார். மேற்கொண்டு இத்தொடரில் மொத்தமாக 5 போட்டிகளில் விளையாடிய விக்னேஷ் புதூர் 6 விக்கெட்டுகளை கைப்பற்றிவுள்ளார். இந்நிலையில் தான் தற்சமயம் காயம் காரணமாக அவர் ஐபிஎல் தொடரில் இருந்து விலகியதாக அறிவிக்கப்பட்டுள்ளது. 

இதனையடுத்து விக்னேஷ் புதூருக்கு மாற்று வீரராக அறிமுக வீரர் ரகு சர்மாவை மும்பை இந்தியன்ஸ் அணி ஒப்பந்தம் செய்துள்ளது. ரகு சர்மா முன்னதாக முதல்தர கிரிக்கெட்டில் பஞ்சாப் மற்றும் புதுச்சேரி அணிகளுக்காக விளையாடி 57 விக்கெட்டுகளை வீழ்த்தியுள்ளார். அதேசமயம் லிஸ்ட் ஏ கிரிக்கெட்டில் 9 போட்டிகளில் விளையாடிவுள்ள அவர் மொத்தமக 14 விக்கெட்டுகளை வீழ்த்தியும் உள்ளார். இதனையடுத்து மும்பை இந்தியன்ஸ் அணி ரூ.30 லட்சத்திற்கு அவரை ஒப்பந்தம் செய்துள்ளது குறிப்பிடத்தக்கது.

மும்பை இந்தியன்ஸ்: ஹர்திக் பாண்டியா (கேப்டன்), சூர்யகுமார் யாதவ், ஜஸ்பிரித் பும்ரா, ரோஹித் சர்மா, திலக் வர்மா, டிரென்ட் போல்ட், நமன் திர், ராபின் மின்ஸ், கரன் சர்மா, ரியான் ரிக்கெல்டன், தீபக் சாஹர், அல்லா கசன்ஃபர், வில் ஜாக்ஸ், அஷ்வனி குமார், மிட்செல் சான்ட்னர், ரீஸ் டாப்லி, ஸ்ரீஜித் கிருஷ்ணன், ராஜ் அங்கத் பாவா, வெங்கட் சத்யநாராயண ராஜு, பெவோன் ஜேகப்ஸ், அர்ஜுன் டெண்டுல்கர், கார்பின் போஷ், ரகு சர்மா*

Read More