ZIM vs NED, 3rd ODI: நெதர்லாந்தை சமாளித்து தொடரை வெல்லுமா ஜிம்பாப்வே?

ஜிம்பாப்வுக்கு எதிரான கடைசி ஒருநாள் போட்டியில் முதலில் விளையாடிய நெதர்லாந்து அணி 232 ரன்களை இலக்காக நிர்ணயித்துள்ளது.

Netherlands end their innings with 231/9 on board! (Image Source: Google)

ஜிம்பாப்வேவில் சுற்றுப்பயணம் மேற்கொண்டுள்ள நெதர்லாந்து அணி 3 போட்டிகள் கொண்ட ஒருநாள் தொடரில் விளையாடுகிறது. இதில் இரு அணிகளுக்கும் இடையேயான முதலாவது போட்டியில் நெதர்லாந்து அணியும், இரண்டாவது போட்டியில் ஜிம்பாப்வே அணியும் வெற்றிபெற்று 1-1 என்ற கணக்கில் தொடரில் சமநிலையில் உள்ளன. 

இந்நிலையில் இரு அணிகளுக்கும் இடையேயான மூன்றாவது ஒருநாள் போட்டி இன்று நடைபெற்று வருகிறது. ஹராரேவில் நடைபெறும் இப்போட்டியில் டாஸ் வென்றுள்ள நெதர்லாந்து அணி முதலில் பேட்டிங் செய்ய தீர்மானித்தது. அதன்படி களமிறங்கிய அந்த அணியில் விக்ரம்ஜிட் சிங் - மேக்ஸ் ஓடவுட் இணை சிறப்பான தொடக்கத்தைக் கொடுத்தனர். 

இதில் விக்ரம்ஜிட் 27 ரன்களிலும், மேக்ஸ் ஓடவுட் 28 ரன்களிலும் ஆட்டமிழந்தனர். பின்னர் இணைந்த முசா அஹ்மத் - காலின் அக்கர்மேன் இணை ஓரளவு தாக்குப்பிடித்தி ஸ்கோரை உயர்த்தினர். பின் முசா அஹ்மத் 29 ரன்களிலும், காலின் அக்கர்மேன் 37 ரன்களிலும் ஆட்டமிழக்க, வெஸ்லி பர்ரெஸி 2 ரன்களுக்கு விக்கெட்டை இழந்து ஏமாற்றளித்தார். 

அதன்பின் வந்த கேப்டன் ஸ்காட் எட்வர்ட்ஸ் 34 ரன்களில் விக்கெட்டை இழக்க பின்னர் வந்த வீரர்களும் அடுத்தடுத்து சொற்ப ரன்களுக்கு ஆட்டமிழந்து பெவிலியன் திரும்பினர். இதனால் நிர்ணயிக்கப்பட்ட 50 ஓவர்களில் நெதர்லாந்து அணி 9 விக்கெட்டுகளை இழந்து 231 ரன்களைச் சேர்த்துள்ளது. ஜிம்பாப்வே தரப்பில் சீன் வில்லியம்ஸ் 3 விக்கெட்டுகளைக் கைப்பற்றினார். 

Win Big, Make Your Cricket Tales Now