நான் சைவம் தான் ஆனா முட்டை மட்டும் சாப்பிடுவேன் - கோலியின் பதிலாள் குழப்பத்தில் ரசிகர்கள்!

தனது அன்றாட உணவு முறை குறித்து இந்திய அணியின் கேப்டன் விராட் கோலி மனம் திறந்து பேசியுள்ளார்.

இந்திய அணி இங்கிலாந்து சுற்றுப்பயணம் மேற்கொண்டு, உலக டெஸ்ட் சாம்பியன்ஷிப் தொடரின் இறுதி போட்டி மற்றும் இங்கிலாந்து அணிக்கெதிரான ஐந்து டெஸ்ட் போட்டிகள் கொண்ட தொடரில் விளையாடவுள்ளது. இதற்கான விராட் கோலி தலைமையிலான இந்திய அணி நாளை இங்கிலாந்து செல்லவுள்ளது. 

இந்நிலையில் தனிமைப்படுத்தப்பட்டு இருக்கும் வீரர்கள் அனைவரும் தங்களது சமூக வலைதள பக்கம் மூலம் ரசிகர்களின் கேள்விகளுக்கு பதில் அளித்து வருகின்றனர்.

அந்த வகையில் இந்திய அணி கேப்டன் விராட் கோலி கடந்த ரசிகர்களின் கேள்விக்கு பதிலளித்து வருகிறார். அதன்படி ஏற்கனவே தனது மகளின் பெயருக்கான அர்த்தம் தனது மகளின் புகைப்படம் போன்றவற்றை குறித்து ரசிகர்களின் கேள்விக்கு பதிலளித்த கோலி, தற்போது தனது உணவு முறை குறித்த தகவலை வெளியிட்டுள்ளார்.

இதுகுறித்து விராட் கோலி கூறுகையில், காய்கறிகளை அதிகம் எடுத்துக் கொள்வதாகவும், அவ்வப்போது முட்டைகளை சாப்பிடுவதாகவும் தெரிவித்துள்ளார். அதுமட்டுமின்றி 2 கப் காஃபி, கீரைகள், தோசை வகைகள் போன்றவற்றை சரியான அளவில் சாப்பிட்டு வருவதாகவும் கூறியிருந்தார்.

ஏற்கனவே விராட் கோலி அளித்திருந்த ஒரு பேட்டியில் தான் வெஜிடேரியன் உணவு வகைகளை மட்டுமே உட்கொள்வதாக தெரிவித்திருந்தார். இந்நிலையில் தற்போது முட்டையும் அவர் தனது சாப்பாட்டில் சேர்த்துக் கொள்வதால் கோலி எவ்வாறு சைவ பிரியர் என்று கூறினார் என ரசிகர்கள் குழம்பியுள்ளனர். 

இந்நிலையில் அதற்கு கோலி மீண்டும் பதிலளிக்கையில் : நான் சைவத்தை சேர்ந்தவன் என கூறிக் கொள்ள விரும்ப மாட்டேன். ஆனால் சைவத்தை தான் அதிகமாக பின்பற்றி வருகிறேன். உங்களுக்கு விருப்பமிருந்தால் காய்கறிகளை மட்டும் எடுத்துக் கொள்ளுங்கள் என கூறி இந்தக் கேள்விகளுக்கு முற்றுப்புள்ளி வைத்துள்ளார். 

Win Big, Make Your Cricket Tales Now