தோல்விக்கான காரணமாக குறித்து விளக்கமளித்த விராட் கோலி!

இந்தியா - நியூஸிலாந்து அணிகளுக்கு இடையேயான உலக டெஸ்ட் சாம்பியன்ஷிப் இறுதிப்போட்டியில் நியூஸிலாந்து அணி வெற்றி பெற்று கோப்பையை கைப்பற்றியது. இதனால் இந்திய அணியின் மீது கடுமையான விமர்சனங்கள் வைக்கப்பட்டு வருகின்றன. 

இந்த நிலையில் உலக டெஸ்ட் சாம்பியன்ஷிப் இறுதிப்போட்டியில் தோல்வியடைந்தது குறித்து இந்திய அணியின் கேப்டன் விராட் கோலி விளக்கமளித்துள்ளார்.

இதுகுறித்து பேசிய கோலி, “நியூசிலாந்து மிகவும் திறமையான அணி. அந்த அணியின் வேகப்பந்து வீச்சாளர்கள் தொடர்ந்து சிறப்பாக பந்துவீசுகின்றனர். தோல்விக்கான காரணம் குறித்து ஆலோசனை செய்வோம். 

நீண்ட நாட்கள் எடுத்துக்கொள்ளாமல் உடனடியாக டெஸ்ட் அணியில் தேவையான மாற்றத்தை கொண்டு வருவோம். ஒருநாள் மற்றும் டி20 அணியில் பேட்டிங் வரிசை கடைசி வரை இருப்பதுபோல், டெஸ்ட் அணியிலும் கொண்டு வர உள்ளோம்.

மேலும் எந்தவித அச்சமும் இல்லாமல் சிறப்பாக விளையாட வேண்டும் என்ற எண்ணம் உள்ளவர்கள் மட்டுமே அணியில் சேர்க்கப்பட வேண்டும். ஏனென்றால் பந்துவீச்சாளர்கள் மீது அதிக அழுத்தம் கொடுக்க முடியாது. ஒரே பகுதியில் தொடர்ந்து பந்துவீச வேண்டும் என்று அவர்களை கட்டுப்படுத்தவும் முடியாது” என தெரிவித்துள்ளார்.