டி20 உலகக்கோப்பை: சாண்டனர், சௌதீ பந்துவீச்சில் வீழ்ந்தது ஆஸ்திரேலியா!

டி20 உலகக்கோப்பை: ஆஸ்திரேலியாவுக்கு எதிரான சூப்பர் 12 ஆட்டத்தில் நியூசிலாந்து அணி 89 ரன்கள் வித்தியாசத்தில் அபார வெற்றியைப் பெற்றது.

New Zealand have won against Australia in Australia for the 1st time since 2011! (Image Source: Google)

டி20 உலகக் கோப்பை தொடரின் முதல் சுற்று ஆட்டங்கள் நிறைவடைந்த நிலையில், இன்று சூப்பர்-12 சுற்று தொடங்கியது. இதில் இன்று போட்டியை நடத்தும் ஆஸ்திரேலிய அணி நியூசிலாந்துடன் மோதியது. இப்போடியில் டாஸ் வென்ற ஆஸ்திரேலிய அணி பீல்டிங் செய்ய முடிவு செய்தது. அதன்படி நியூசிலாந்து அணி முதலில் பேட்டிங் செய்தது.

அந்த அணியின் தொடக்க வீரர்கள் ஃபின் ஆலன், டேவன் கான்வே பொறுப்பான ஆட்டத்தை வெளிப்படுத்தினர். இந்த ஜோடி 56 ரன்கள் சேர்த்த நிலையில் பிரிந்தது. ஃபின் ஆலன் 42 ரன்களில் ஆட்டமிழந்தார். மறுமுனையில் அதிரடியாக விளையாடிய கான்வே அரை சதம் கடந்து ஸ்கோரை உயர்த்தினார். கேப்டன் வில்லியம்சன் 23 ரன், கிளென் பிலிப்ஸ் 12 ரன் சேர்த்தனர்.

அதன்பின்னர் கான்வேயுடன் நீஷம் இணைய, நியூசிலாந்து அணி நிர்ணயிக்கப்பட்ட 20 ஓவர்களில் 3 விக்கெட் இழப்பிற்கு 200 ரன்கள் குவித்தது. கான்வே 92 ரன்களுடனும், நீஷம் 26 ரன்களுடனும் களத்தில் இருந்தனர். ஆஸ்திரேலியா தரப்பில் ஹேசில்வுட் 2 விக்கெட் எடுத்தார். 

இதையடுத்து 201 ரன்கள் எடுத்தால் வெற்றி என்ற இலக்குடன் களமிறங்கிய ஆஸ்திரேலியா அணியில் நட்சத்திர வீரர்கள் டேவிட் வார்னர் 5, ஆரோன் ஃபிஞ்ச் 13, மிட்செல் மார்ஷ் 16 என அடுத்தடுத்து விக்கெட்டுகளைக் கைப்பற்றி அசத்தினர். 

பின்னர் களமிறன்கிய கிளென் மேக்ஸ்வெல் அதிரடியான ஆட்டத்தை வெளிப்படுத்த, மறுமுனையில் களமிறங்கிய வீரர்கள் சொற்ப ரன்களுக்கு ஆட்டமிழந்து நடையைக் கட்டினர். பின் 28 ரன்கள் எடுத்திருந்த கிளென் மேக்ஸ்வெல்லும் போல்டாகி பெவிலியனுக்கு நடையைக் கட்டினார். 

அதனைத்தொடர்ந்து வந்த டிம் டேவிட், மார்கஸ் ஸ்டோய்னிஸ், மேத்யூ வேட், மிட்செல் ஸ்டார்க், ஆடாம் ஸாம்பா என அனைவரும் வந்த வேகத்திலேயே பெவிலியனுக்கு திரும்பினர். இதனால் 17.1 ஓவர்களில் ஆஸ்திரேலியா அணி 111 ரன்களை மட்டுமே எடுத்து அனைத்து விக்கெட்டுகளையும் இழந்தது. 

நியூசிலனது தரப்பில் மிட்செல் சாண்ட்னர், டிம் சௌதீ 3 விக்கெட்டுகளையும், ட்ரெண்ட் போல்ட் இரண்டு விக்கெட்டுகளையும் வீழ்த்தினர், இதன்மூலம் நியூசிலாந்து அணி 89 ரன்கள் வித்தியாசத்தில் ஆஸ்திரேலியாவை வீழ்த்தி வெற்றியுடன் தொடரை தொடங்கியுள்ளது. 

 

Win Big, Make Your Cricket Tales Now