இந்திய அணிக்கு எதிராக ஒருநாள், டி20 தொடரில் விளையாடும் நியூசிலாந்து
நியூசிலாந்து அணி அடுத்தாண்டு தொடக்கத்தில் இந்தியாவில் சுற்றுப்பயணம் செய்து 3 ஒருநாள், 5 டி20 போட்டிகள் கொண்ட தொடரில் விளையாடவுள்ளதாக தகவல் வெளியாகியுள்ளது.
அதேசமயம் கடந்த டி20 உலகக்கோப்பை தொடரின் சூப்பர் 8 சுற்றில் இடம்பிடித்த அமெரிக்க அணியும் இத்தொடருக்கு நேரடியாக தககுதி பெற்றுள்ள நிலையில், மீதமுள்ள அணிகள் தகுதிச்சுற்றின் அடிப்படையில் தேர்வு செய்யபடவுள்ளன. இதன் காரணமாக அனைத்து அணிகளும் இத்தொடருக்காக தீவிரமான தயாரிப்புகளில் இறங்கியுள்ளன. அதன் ஒரு பகுதியாக நியூசிலாந்து அணியும் தங்களுடைய தயாரிப்புகளில் இறங்கியுள்ளது.
இதில் டி20 உலகக்கோப்பை தொடருக்கு தயாரகும் வகையில் அடுத்த ஆண்டு ஜனவரி மாதம் நியூசிலாந்து அணி இந்தியாவில் சுற்றுப்பயணம் மேற்கொண்டு மூன்று போட்டிகள் கொண்ட ஒருநாள் தொடரிலும், 5 போட்டிகள் கொண்ட டி20 தொடரிலும் விளையாடவுள்ளதாக தகவல்கள் வெளியாகியுள்ளது. இந்தத் தொடர் இரு அணிகளுக்கும் உலகக் கோப்பை தயாரிப்பின் ஒரு பகுதியாக அமையும் என கருதப்படுகிறது.
இதுகுறித்து வெளியான தகவலின் அடிப்படையில் இந்தியா - நியூசிலாந்து அணிகளுக்கு இடையேயான இந்த தொடரானது ஜனவரி 11ஆம் தேதி தொடங்கும் என்று கூறப்படுகிறது. மேலும் வெஸ்ட் இண்டீஸுக்கு எதிரான சுற்றுப்பயணத்தை முடித்த கையோடு நியூசிலாந்து அணி இந்தியா வந்தடையும் என்று கூறப்படுகிறது. முன்னதாக சமீபத்தில் நடந்து முடிந்த சாம்பியன்ஸ் கோப்பை தொடரின் இறுதிப்போட்டியில் இரு அணிகளும் விளையாடின.
இதில் இந்திய அணி நியூசிலாந்தை வீழ்த்தியதுடன் சாம்பியன் பட்டத்தையும் கைப்பற்றியது. அதேசமயம் கடந்த 2023ஆம் ஆண்டு இந்தியாவில் சுற்றுப்பயணம் மேற்கொண்டிருந்த நியூசிலாந்து அணி படுதோல்வியைச் சந்தித்தது. அந்த தொடரில் இந்தியா அணி மூன்று போட்டிகள் கொண்ட ஒருநாள் தொடரை 3-0 என்ற கணக்கிலும், டி20 தொடரை 2-1 என்ற கணக்கிலும் நியூசிலாந்தை வீழ்த்தி வெற்றிபெற்றிருந்தது.
Also Read: LIVE Cricket Scoreஇந்தியாவுக்கு எதிராக நியூசிலாந்தின் சமீபத்திய சாதனையும் சிறப்பானதாக இல்லை. இந்தியாவுக்கு எதிரான கடைசி எட்டு டி20 போட்டிகளில் ஒரே ஒரு போட்டியில் மட்டுமே நியூசிலந்து அணி வெற்றி பெற்றுள்ளது. மேலும் தொடர்ச்சியாக ஏழு ஒருநாள் போட்டிகளில் தோல்வியடைந்துள்ளனர். அதனால் இந்தத் தொடர் 2026 உலகக் கோப்பைக்கான தயாரிப்புகளில் ஒரு முக்கிய பகுதியாக இருக்கும் என்று எதிர்பார்க்கப்படுகிறது.
Advertisement
Win Big, Make Your Cricket Tales Now
கிரிக்கெட்: Tamil Cricket News
