நியூசிலாந்து vs இங்கிலந்து, சூப்பர் 12 - உத்தேச லெவன் & ஃபேண்டஸி டிப்ஸ்!
டி20 உலக கோப்பை கிரிக்கெட் போட்டியில் இன்று நடைபெறும் சூப்பர் 12 ஆட்டத்தில் நியூசிலாந்து- இங்கிலாந்து அணிகள் பலப்பரீட்சை நடத்துகின்றன.
எட்டாவது டி20 உலக கோப்பை கிரிக்கெட் போட்டி ஆஸ்திரேலியாவின் பல்வேறு நகரங்களில் நடந்து வருகிறது. இதில் சூப்பர் 12 சுற்றுக்கு வந்துள்ள 12 அணிகள் இரண்டு பிரிவாக பிரிக்கப்பட்டுள்ளன. ஒவ்வொரு அணியும், தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். இதன் முடிவில் இரண்டு பிரிவிலும் டாப்-2 இடங்களை பிடிக்கும் அணிகள் அரைஇறுதிக்கு தகுதி பெறும்.
இந்த தொடரில் இன்று ஒரே நாளில் இரண்டு லீக் ஆட்டங்கள் நடக்கின்றன. பிரிஸ்பேனில் இந்திய நேரப்படி பிற்பகல் 1.30 மணிக்கு நடக்கும் ஆட்டத்தில் குரூப் 1இல் அங்கம் வகிக்கும் முன்னாள் சாம்பியன் இங்கிலாந்து அணி, நியூசிலாந்தை எதிர்கொள்கிறது.
Trending
ஜோஸ் பட்லர் தலைமையிலான இங்கிலாந்து தொடக்க ஆட்டத்தில் ஆஃப்கானிஸ்தானை தோற்கடித்தது. அடுத்த ஆட்டத்தில் அயர்லாந்திடம் அடி பணிந்தது. ஆஸ்திரேலியாவுக்கு எதிரான முந்தைய ஆட்டம் ஒரு பந்து கூட வீசப்படாமல் கைவிடப்பட்டது. இன்றைய ஆட்டத்தில் வெற்றி பெற்றால் மட்டுமே அரைஇறுதி வாய்ப்பில் நீடிக்க முடியும் என்ற உச்சக்கட்ட நெருக்கடியுடன் இங்கிலாந்து களம் காணுகிறது.
நியூசிலாந்து அணி தனது முதலாவது ஆட்டத்தில் 89 ரன்கள் வித்தியாசத்தில் ஆஸ்திரேலியாவை பந்தாடியது. ஆப்கானிஸ்தானுக்கு எதிரான 2ஆவது ஆட்டம் மழையால் ரத்தானது. கடந்த ஆட்டத்தில் 65 ரன்கள் வித்தியாசத்தில் இலங்கையை பதம் பார்த்தது. இதன்மூலம் 5 புள்ளிகளுடன் முதலிடத்தில் உள்ள நியூசிலாந்து அணி இன்றைய ஆட்டத்திலும் வெற்றியை வசப்படுத்தினால், அந்த அணியின் அரைஇறுதி வாய்ப்பு ஏறக்குறைய உறுதியாகி விடும்.
இவ்விரு அணிகளும் இதுவரை 22 முறை நேருக்கு நேர் மோதி இருக்கின்றன. இதில் 13 முறை இங்கிலாந்தும், 8 முறை நியூசிலாந்தும் வெற்றிபெற்றுள்ளன. மேலும் ஒரு ஆட்டம் முடிவு இல்லாமல் போனது குறிப்பிடத்தக்கது.
உத்தேச அணி
இங்கிலாந்து: ஜோஸ் பட்லர் (கே), அலெக்ஸ் ஹேல்ஸ், டேவிட் மாலன், பென் ஸ்டோக்ஸ், லியாம் லிவிங்ஸ்டோன், ஹாரி புரூக், மொயின் அலி, சாம் குர்ரன், கிறிஸ் வோக்ஸ், அடில் ரஷித், மார்க் வுட்
நியூசிலாந்து: ஃபின் ஆலன், டெவோன் கான்வே, கேன் வில்லியம்சன் (கே), கிளென் பிலிப்ஸ், டேரில் மிட்செல், ஜேம்ஸ் நீஷம், மிட்செல் சான்ட்னர், டிம் சவுத்தி, இஷ் சோதி, லாக்கி பெர்குசன், டிரென்ட் போல்ட்
ஃபேண்டஸி லெவன் டிப்ஸ்
- விக்கெட் கீப்பர்: ஜோஸ் பட்லர், டெவோன் கான்வே
- பேட்டிங்: ஃபின் ஆலன், க்ளென் பிலிப்ஸ், டேவிட் மலான்
- ஆல்-ரவுண்டர்: லிவிங்ஸ்டோன், சாம் குரான், மிட்செல் சான்ட்னர்
- பந்துவீச்சு: டிரென்ட் போல்ட், டிம் சவுத்தி, மார்க் வூட்
Win Big, Make Your Cricket Tales Now
Cricket Scorecard
