6,4,4,6,4,6 - கைல் மேயர்ஸ் ஓவரை பந்தாடிய நூருல் ஹசன் - வைரலாகும் காணொளி!
ஃபார்ச்சூன் பாரிஷால் அணிக்கு எதிரான பிபிஎல் லீக் ஆட்டத்தில் ராங்பூர் ரைடர்ஸ் அணி கேப்டன் நூருல் ஹசன் ஒரே ஓவரில் 30 ரன்களை சேர்த்து அணிக்கு வெற்றியைத் தேடிகொடுத்த காணொளி இணையத்தில் வைரலாகி வருகிறது.
உலகின் பல்வேறு நாடுகளும் பிரான்சைஸ் லீக் டி20 தொடர்களை நடத்தி வருகின்றன. அந்தவகையில் வங்கதேச கிரிக்கெட் வாரியமும் பங்களதேஷ் பிரீமியர் லீக் தொடரை நடத்தி வருகிறது. இதில் நடப்பு சீசனானது ரசிகர்களின் எதிர்பார்ப்புகளை பூர்த்தி செய்து வருகின்றன. இதில் நேற்று நடைபெற்ற 13ஆவது லீக் ஆட்டத்தில் ராங்பூர் ரைடர்ஸ் மற்றும் ஃபார்ச்சூன் பாரிஷால் அணிகள் பலப்பரீட்சை நடத்தின.
இதில் டாஸ் வென்ற ராங்பூர் ரைடர்ஸ் அணி முதலில் பந்துவீசுவதாக அறிவித்தது. அதன்படி களமிறங்கிய ஃபார்ச்சூன் அணிக்கு கேப்டன் தமிம் இக்பால் - நஜ்முல் ஹொசைன் சாண்டோ இணை அதிரடியான தொடக்கத்தைக் கொடுத்து அணிக்கு தேவையான அடித்தளத்ஹை அமைத்து கொடுத்தனர். இதில் தமிம் இக்பால் 40 ரன்களுக்கும், சாண்டோ 41 ரன்களுக்கும் என விக்கெட்டை இழந்து அரைசதம் அடிக்கும் வாய்ப்பை தவறவிட்டனர்.
அதன்பின் களமிறங்கிய கைல் மேயர்ஸ் அதிரடியாக விளையாடி அரைசதம் கடந்து அசத்தியதுடன் இறுதிவரை ஆட்டமிழக்காமல் ஒரு பவுண்டரி, 7 சிக்ஸர்கள் என 61 ரன்களைச் சேர்த்தார். அவருக்கு துணையாக தாவ்ஹித் ஹிரிடோய் 23 ரன்களையும், ஃபஹீம் அஷ்ரஃப் 20 ரன்களையும் எடுத்தனர். இதன்மூலம் ஃபார்ச்சூன் அணி 20 ஓவர்கள் முடிவில் 5 விக்கெட்டுகளை இழந்து 197 ரன்களை சேர்த்தது.
இதையடுத்து இலக்கை நோக்கி விளையாடிய ராங்பூர் அணியில் அலெக்ஸ் ஹேல்ஸ் ஒரு ரன்னிலும், சைஃப் ஹொசைன் 21 ரன்களிலும், தௌபிக் கான் 28 ரன்னிலும் விக்கெட்டுகளை இழந்தனர். பின்னர், பாகிஸ்தானிய ஜோடியான இqப்திகார் அகமது (48) மற்றும் குஷ்தில் ஷா (48) ரைடர்ஸ் அணியை வெற்றியை நோக்கி அழைத்துச் செல்ல வழிவகுக்க, இறுதியில் கேப்ட்ன் நூருல் ஹசன் 3 பவுண்டாரி, 3 சிக்ஸர்கள் என 32 ரன்களைச் சேர்த்து அணிக்கு வெற்றியைத் தேடிக்கொடுத்தார்.
— FanCode (@FanCode) January 9, 2025
Rangpur Riders were all but out of the contest until Skipper Nurul Hasan smashed 30 off the final over to pull off an incredible heist! #BPLonFanCode pic.twitter.com/9A7R96fmhU
இதன்மூலம் ராங்பூர் ரைடர்ஸ் அணி 3 விக்கெட் வித்தியாசத்தில் ஃபார்ச்சூன் பாரிஷால் அணியை வீழ்த்தி த்ரில் வெற்றியைப் பதிவுசெய்து அசத்தியது. அதிலும் குறிப்பாக ராங்பூர் அணியின் வெற்றிக்கு கடைசி ஓவரில் 26 ரன்கள் என்ற வெற்றி இலக்கானது இருந்தது. ஃபார்ச்சூன் அணி தரப்பில் இன்னிங்ஸின் கடைசி ஓவரை கைல் மேயர்ஸ் வீசிய நிலையில் ராங்பூர் தரப்பில் அந்த ஓவரை கேப்டன் நூருல் ஹசன் எதிர்கொண்டார்.
Also Read: Funding To Save Test Cricket
அந்த ஓவரின் முதல் பந்திலேயே நூருல் ஹசன் டீப் மிட் விக்கெட்டில் ஒரு பெரிய சிக்ஸர் அடித்தார். அதன்பின் அடுத்தடுத்த பந்துகளில் பவுண்டரியை விளாசிய அவர், நான்காவது பந்தில் மீண்டும் டீப் ஸ்கொயர் திசையில் சிக்ஸ்ர் அடித்து அசத்தினார். அதன்பின் கடைசி பந்திலும் மிட் விக்கெட் திசையில் சிக்ஸரை விளாசி நூருல் ஹசன் அணிக்கு வெற்றியைத் தேடிக்கொடுத்தார். இந்நிலையில் நூருல் ஹசன் கடைசி ஓவரில் அடுத்தடுத்து பவுண்டரிகளை விளாசிய காணொளி வைரலாகி வருகிறது.
Win Big, Make Your Cricket Tales Now
