நியூசிலாந்து vs வங்கதேசம், முதல் டி20 - போட்டி முன்னோட்டம் & ஃபேண்டஸி லெவன் டிப்ஸ்!

நியூசிலாந்து - வங்கதேச அணிகளுக்கு இடையேயான முதலாவது டி20 போட்டி நாளை நேப்பியரில் நடைபெறுகிறது.

நியூசிலாந்து vs வங்கதேசம், முதல் டி20 - போட்டி முன்னோட்டம் & ஃபேண்டஸி லெவன் டிப்ஸ்! (Image Source: Google)

வங்கதேச கிரிக்கெட் அணி நியூசிலாந்தில் சுற்றுப்பயணம் மேற்கொண்டு 3 ஒருநாள் மற்றும் 3 டி20 போட்டிகள் கொண்ட தொடரில் பங்கேற்று விளையாடி வருகிறது. இதில் முதலில் நடைபெற்ற ஒருநாள் தொடரை நியூசிலாந்து அணி 2-1 என்ற கணக்கில் கைப்பற்றியது. இதையடுத்து இவ்விரு அணிகள் இடையேயான டி20 தொடர் நாளை தொடங்குகிறது. 

இதில் முதலாவது டி 20 ஆட்டம் நேப்பியரில் நடைபெற உள்ளது. ஒருநாள் தொடரில் அடைந்த தோல்விக்கு பழிதீர்க்க வங்கதேச அணி கடுமையாக முயற்சிக்கும் என்பதால் நாளைய ஆட்டத்தில் பரபரப்புக்கு பஞ்சம் இருக்காது. அதேசமயம் நியூசிலாந்து அணியில் கேன் வில்லியம்சன், கைல் ஜேமிசன் ஆகியோர் விலகியுள்ளதால் பின்னடைவை சந்தித்துள்ளது.

போட்டி தகவல்கள்

• மோதும் அணிகள் - நியூசிலாந்து vs வங்கதேசம்
• இடம் - மெக்லீன் பார்க், நேப்பியர்
• நேரம் - காலை 11.40 மணி (இந்திய நேரப்படி)

நேரலை

நியூசிலாந்து - வங்கதேச அணிகளுக்கு இடையேயான டி20 தொடரை அமேசான் பிரைம் ஓடிடி தளத்தில் நேரலையில் கண்டுகளிக்கலாம்.

பிட்ச் ரிப்போர்ட்

இப்போட்டி நடைபெறும் மெக்லீன் பார்க் மைதானம் பேட்டர்களுக்கு சாதகமான மைதானமாகும். இருப்பினும் இங்கு நேரம் செல்ல செல்ல பந்துவீச்சாளர்கள் தாக்கத்தை ஏற்படுத்துவார்கள். இதனால் இங்கு டாஸ் வெல்லும் அணி முதலில் பேட்டிங் செய்து ரன் குவிப்பில் ஈடுபடுவது வெற்றிக்கு வழிவகுக்கும்.

நேருக்கு நேர்

• மோதிய போட்டிகள் - 17
• நியூசிலாந்து - 14
• வங்கதேசம் - 3 

உத்தேச லெவன்

நியூசிலாந்து - ஃபின் ஆலன், டிம் செய்ஃபெர்ட், ரச்சின் ரவீந்திரா, டேரில் மிட்செல், மார்க் சாப்மேன், கிளென் பிலிப்ஸ், ஜேம்ஸ் நீஷம், மிட்செல் சான்ட்னர் (கே), டிம் சௌதீ, இஷ் சோதி, பென் சியர்ஸ்.

வங்கதேசம் - சௌமியா சர்க்கார், மெஹிதி ஹசன் மிராஸ், நஜ்முல் ஹொசைன் சாண்டோ (கே), லிட்டன் தாஸ், தவ்ஹித் ஹிரிடோய், தன்சிம் ஹசன், அஃபிஃப் ஹொசைன், ஷோரிஃபுல் இஸ்லாம், ஹசன் மஹ்மூத், முஸ்தாஃபிசூர் ரஹ்மான்.

ஃபேண்டஸி லெவன் டிப்ஸ்

• விக்கெட் கீப்பர்: லிட்டன் தாஸ், டிம் செய்ஃபெர்ட்(கேப்டன்)
• பேட்டர்ஸ்: நஜ்முல் ஹொசைன் சாண்டோ, டேரில் மிட்செல், கிளென் பிலிப்ஸ்
• ஆல்ரவுண்டர்கள்: மிட்செல் சான்ட்னர்(துணைக்கேப்டன்), ரச்சின் ரவீந்திரா, மெஹிதி ஹசன்
• பந்துவீச்சாளர்கள்: டிம் சௌதீ, ஆடம் மில்னே, முஸ்தஃபிசூர் ரஹ்மான்

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now