NZ vs BAN : வங்கதேசத்தை 137 ரன்களில் சுருட்டியது நியூசிலாந்து!
நியூசிலாந்துக்கு எதிரான டி20 போட்டியில் முதலில் பேட்டிங் செய்த வங்கதேச அணி 138 ரன்களை இலக்காக நிர்ணயித்துள்ளது.
இப்போட்டியில் டாஸ் வென்ற நியூசிலாந்து அணி முதலில் பந்துவீசுவதாக தீர்மானித்தது. அதன்படி களமிறங்கிய வங்கதேச அணியில் நஜ்முல் ஹொசைன் ஒருமுனையில் அதிரடியாக விளையாடி ஸ்கோரை உயர்த்த, மறுமுனையில் மெஹிதி ஹசன், லிட்டன் தாஸ் ஆகியோர் சொற்ப ரன்களில் ஆட்டமிழந்தனர்.
Trending
பின்னர் அதிரடி ஆட்டத்தை வெளிப்படுத்தி வந்த நஜ்முல் ஹொசைன் 33 ரன்களில் ஆட்டமிழக்க, அடுத்து களமிறங்கிய அஃபிஃப் ஹொசைன் 24 ரன்களோடு பெவிலியனுக் திரும்பி ஏமாற்றமளித்தார்.
அதனைத் தொடந்து வந்த வீரகளும் சொற்ப ரன்களோடு பெவிலியனுக்கு திரும்ப, இறுதியில் கேப்டன் நூருல் ஹசன் அதிரடியாக விளையாடி 12 பந்துகளில் 2 சிக்சர், ஒரு பவுண்டரி என இறுதிவரை ஆட்டமிழக்காமல் 25 ரன்களைச் சேர்த்தார்.
இதனால் 20 ஓவர்கள் முடிவில் வங்கதேச அணி 8 விக்கெட்டுகளை இழந்து 137 ரன்களை மட்டுமே சேர்த்தது. நியூசிலாந்து தரப்பில் சிறப்பாக பந்துவீசிய ட்ரெண்ட் போல்ட், டிம் சௌதி, பிரேஸ்வெல், இஷ் சோதி தலா 2 விக்கெட்டுகளைக் கைப்பற்றினர்.
Win Big, Make Your Cricket Tales Now
