NZ vs PAK, 3rd ODI: பிரேஸ்வெல், மாரியூ அரைசதம்; பாகிஸ்தானுக்கு 265 டார்கெட்!
பாகிஸ்தானுக்கு எதிரான மூன்றாவது ஒருநாள் போட்டியில் முதலில் பேட்டிங் செய்த நியூசிலாந்து அணி 265 ரன்களை இலக்காக நிர்ணயித்துள்ளது.
இதனையடுத்து நியூசிலாந்து - பாகிஸ்தான் அணிகளுக்கு இடையேயான ஒருநாள் தொடரின் மூன்றாவது மற்றும் கடைசி போட்டி இன்று மவுண்ட் மவுங்கானுயில் உள்ள பே ஓவல் கிரிக்கெட் மைதானத்தில் நடைபெற்றது. இப்போட்டி தொடங்கும் முன்னரே மழை பெய்த காரணத்தால் ஆட்டம் 42 ஓவர்களாக குறைக்கப்பட்டது. அதன்படி இப்போட்டியில் டாஸ் வென்ற பாகிஸ்தான் அணி முதலில் பந்துவீசுவதாக அறிவித்தது. அதன்படி கள்மிறங்கிய நியூசிலாந்து அணிக்கு ரைஸ் மாரியூ மற்றும் நிக் கெல்லி இணை தொடக்கம் கொடுத்தனர். இதில் நிக் கெல்லி 3 ரன்களில் விக்கெட்டை இழந்தார்.
Trending
பின்னர் இணைந்த மாரியூ - ஹென்றி நிக்கோலஸ் இணை பொறுப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் மாரியூ தனது அரைசதத்தை பூர்த்தி செய்து அசத்தினார். அதன்பின் ஹென்றி நிக்கோலஸ் 31 ரன்களில் விக்கெட்டை இழக்க, அவரைத்தொடர்ந்து 58 ரன்களைச் சேர்த்த கையோடு ரைஸ் மாரியூவும் தனது விக்கெட்டை இழந்து பெவிலியன் திரும்பினார். அவர்களைத் தொடர்ந்து களமிறங்கிய அனுபவ வீரர் டேரில் மிட்செல் 43 ரன்களுக்கும், டிம் செஃபெர்ட் 26 ரன்களுக்கும், முகமது அப்பாஸ் 11 ரன்களுக்கும் என சீரான வேகத்தில் விக்கெட்டுகளை இழந்தனர்.
Also Read: Funding To Save Test Cricket
இறுதியில் கேப்டன் மைக்கேல் பிரேஸ்வெல் அதிரடியாக விளையாடி அணியின் ஸ்கோரை உயர்த்தும் முயற்சியில் இறங்கினார். இப்போட்டியில் தொடர்ந்து அதிராடியாக விளையாடிய மைக்கேல் பிரேஸ்வெல் தனது அரைசதத்தைப் பதிவுசெய்ததுடன், ஒரு பவுண்டரி, 6 சிக்ஸர்கள் என 59 ரன்களைச் சேர்த்து கடைசி பந்தில் விக்கெட்டை இழந்தார். இதன் காரணமாக நியூசிலாந்து அணி 42 ஓவர்கள் முடிவில் 8 விக்கெட்டுகளை இழந்து 264 ரன்களைச் சேர்த்தது. பாகிஸ்தான் அணி தரப்பில் சிறப்பான பந்துவீச்சை வெளிப்படுத்திய அகிஃப் ஜாவெத் 4 விக்கெட்டுகளை கைப்பற்றினர்.
Win Big, Make Your Cricket Tales Now
