ஐபிஎல் கிரிக்கெட்டிலிருந்தும் ஓய்வை அறிவித்தார் கீரென் பொல்லார்ட்!

ஐபிஎல் கிரிக்கெட் தொடரிலிருந்து வெஸ்ட் இண்டீஸ் மற்றும் மும்பை இந்தியன்ஸ் அணியின் நட்சத்திர வீரர் கீரேன் பொல்லார்ட் ஓய்வை அறிவித்துள்ளார்.

Once An MI Always An MI; Emotional Kieron Pollard Announces Retirement From IPL (Image Source: Google)

ஐபிஎல்லில் 5 முறை சாம்பியன் மும்பை இந்தியன்ஸ் அணி. ரோஹித் சர்மாவின் கேப்டன்சியில் மும்பை அணி 5 முறை ஐபிஎல் கோப்பையை வென்றது. இந்த 5 முறையும் அந்த அணியின் வெற்றியில் முக்கிய பங்காற்றிய மேட்ச் வின்னர் ஆல்ரவுண்டர் கீரே பொல்லார்டு.

ஐபிஎல்லில் ஒரே அணிக்காக விளையாடிய வீரர்களில் விராட் கோலிக்கு அடுத்து உள்ளவர் கீரேன் பொல்லார்ட் தான். 2010ஆம் ஆண்டிலிருந்து 2022 வரை 13 சீசன்கள் மும்பை இந்தியன்ஸ் அணிக்காக விளையாடியுள்ள பொல்லார்டு, மும்பை இந்தியன்ஸை தவிர ஐபிஎல்லில் வேறு அணிக்கு ஆடியதேயில்லை.

மும்பை இந்தியன்ஸ் அணிக்காக 189 ஐபிஎல் போட்டிகளில் விளையாடி 3,412 ரன்களும்; 69 விக்கெட்டுகளையும் வீழ்த்தியுள்ளார். பேட்டிங், பவுலிங், ஃபீல்டிங் என அனைத்துவகையிலும் மும்பை இந்தியன்ஸ் அணிக்காக மிகச்சிறந்த பங்களிப்பை வழங்கி, மும்பை அணி 5 முறை கோப்பையை வெல்ல முக்கிய காரணமாக திகழ்ந்த மேட்ச் வின்னர் பொல்லார்டு. 

ஐபிஎல் 16ஆவது சீசனுக்கு முன் அவரை மும்பை இந்தியன்ஸ் அணி விடுவிப்பதாக தகவல் வெளியானது. ஆனால் 13 சீசன்கள் சிறப்பான பங்களிப்பை செய்த பொல்லார்டை விடுவிப்பது மரியாதையாக இருக்காது என்பதால் அவரை மரியாதையாக விடுவித்துள்ளது. பொல்லார்டே ஐபிஎல்லில் இருந்து ஓய்வு அறிவித்துவிட்டார். அவரை பேட்டிங் பயிற்சியாளராக நியமித்துள்ளது மும்பை இந்தியன்ஸ்.

மும்பை அணிக்காக விளையாடிய தன்னால் வேறு ஒரு அணிக்கு ஆடுவதை தன்னால் யோசித்துக்கூட பார்க்க முடியாது என தெரிவித்துள்ள பொல்லார்டு, ஒரு முறை மும்பை இந்தியன்ஸ் அணிக்காரன் என்றால் எப்போதுமே மும்பை இந்தியன்ஸ் அணிக்காரன் தான் என்றும், மும்பை இந்தியன்ஸின் பேட்டிங் பயிற்சியாளராக பொறுப்பேற்பதாகவும் தெரிவித்துள்ளார்.

Win Big, Make Your Cricket Tales Now