எங்களது வாழ்க்கையில் புதிய தேவதையை அறிமுகப்படுத்த விரும்புகிறோம் - ராபின் உத்தப்பா!
சென்னை சூப்பர் கிங்ஸ் அணியின் நட்சத்திர பேட்ஸ்மேனான ராபின் உத்தப்பா தனக்கு பெண் குழந்தை பிறந்திருப்பதாக அறிவித்துள்ளார்.
விக்கெட் கீப்பர் பேட்ஸ்மேனான உத்தப்பா தற்போது ஐபில் -ல் சென்னை சூப்பர் கிங்ஸ் அணிக்காக விளையாடி வருகிறார். அதிரடி ஆட்டத்துக்கு பெயர்போன உத்தப்பாவுக்கு ஏராளமான ரசிகர்கள் உள்ளனர். பெங்களூருவை சேர்ந்த டென்னிஸ் வீராங்கனையான ஷீதால் கவுதம் என்பவரை ராபின் உத்தப்பா கடந்த 2016 ஆம் ஆண்டு திருமணம் செய்துகொண்டார்.
Trending
இவர்களுக்கு ஏற்கனவே ஒரு மகன் (நீல் நோலன் உத்தப்பா) இருக்கிறார். இந்நிலையில், தங்களுக்கு இரண்டாவதாக பெண் குழந்தை பிறந்திருப்பதாக ராபின் உத்தப்பா - ஷீதால் கவுதம் தம்பதியினர் அறிவித்துள்ளனர்.
மேலும், தங்களது குழந்தையின் புகைப்படத்தையும் உத்தப்பா தனது அதிகாரப்பூர்வ இன்ஸ்டாகிராம் பக்கத்தில் பதிவிட்டுள்ளார். இந்தப் புகைப்படம் தற்போது சமூக வலை தளங்களில் வைரலாக பரவி வருகிறது.
ராபின் உத்தப்பா தனது இன்ஸ்டாகிராம் பதிவில், "நிறைவான இதயத்துடன், எங்களது வாழ்க்கையில் எங்கள் புதிய தேவதையை அறிமுகப்படுத்த விரும்புகிறோம். டிரினிட்டி தியா உத்தப்பாவை உலகத்துக்கு அறிமுகப்படுத்துகிறோம். உலகிற்கு வர எங்களைத் தேர்ந்தெடுத்ததற்கும், உன் பெற்றோராகவும் உனது சகோதரராகவும் இருக்க எங்களை ஆசீர்வதித்ததற்காக நாங்கள் உனக்கு நன்றி கூற கடமைப்பட்டுள்ளோம்" என குறிப்பிட்டுள்ளார்.
சென்னை சூப்பர் கிங்ஸ் அணியின் அதிரடி பேட்ஸ்மேனான ராபின் உத்தப்பா, தனக்கு பெண் குழந்தை பிறந்திருப்பதாக அறிவித்திருப்பதை தொடர்ந்து, அவருக்கு சமூக வலை தளங்கள் வாயிலாக பலரும் வாழ்த்து தெரிவித்து வருகின்றனர்.
Win Big, Make Your Cricket Tales Now
