பாகிஸ்தான் அணி தற்பொழுது ஆஸ்திரேலியாவில் சுற்றுப்பயணம் மேற்கொண்டு மூன்று போட்டிகள் கொண்ட டெஸ்ட் தொடரில் விளையாடிவருகிறது. இந்த தொடரில் முதல் போட்டி இன்று ஆஸ்திரேலியாவில் வேகத்திற்கு புகழ்பெற்ற பெர்த் மைதானத்தில் தொடங்கியது. இப்போட்டியில் டாஸ் வென்ற ஆஸ்திரேலியா கேப்டன் முதலில் பேட்டிங்கை தேர்வு செய்தார். பாகிஸ்தான் அணியின் தரப்பில் அமீர் ஜமால் மற்றும் குர்ரம் சேஷாத் என இரண்டு இளம் பந்துவீச்சாளர்கள் அறிமுகமாக போட்டியில் களமிறங்கினர்.
இதையடுத்து களமிறங்கிய ஆஸ்திரேலிய அணிக்கு டேவிட் வார்னர் மற்றும் உஸ்மான் கவஜா இருவரும் களமிறங்கினார்கள். இதில் உஸ்மான் கவஜா ஒருபுறம் பொறுமை காட்ட, இன்னொரு பக்கம் தனது கடைசி டெஸ்ட் தொடரில் விளையாடும் வார்னர் வெளுத்துக்கட்ட ஆரம்பித்தார். பழைய வார்னராக விளையாட ஆரம்பித்த அவர் பாகிஸ்தானின் எந்த பந்துவீச்சாளர்களையும் விட்டு வைக்காமல் அதிரடியாக 41 பந்துகளில் அரை சதம் அடித்தார்.
கவாஜா தன்னுடைய பொறுமையான ஒத்துழைப்பை அப்படியே தொடர்ந்தார். இன்றைய முதல் சீசன் முடிவில் 25 ஓவர்களில் ஆஸ்திரேலியா அணி விக்கெட் இழக்காமல் 117 ரன்கள் எடுத்து தற்போது மதிய உணவு இடைவேளைக்கு சென்று இருக்கிறது. டேவிட் வார்னர் 67 பந்துகளில் 11 பவுண்டரிகள் மற்றும் ஒரு சிக்ஸர் உடன் 72 ரன்கள் எடுத்திருக்கிறார். உஸ்மான் கவஜா 84 பந்துகளில் 5 பவுண்டரிகளுடன் 37 ரன்கள் எடுத்திருக்கிறார்.
Catch#AUSvsPAK pic.twitter.com/Pn9JvWOx0y
— lakxxh (@lakxxh) December 14, 2023
