PAKW vs WIW, 3rd T20I: பாகிஸ்தானை வீழ்த்தி தொடரை வென்றது வெஸ்ட் இண்டீஸ்!
பாகிஸ்தான் மகளிர் அணிக்கு எதிரான மூன்றாவது டி20 போட்டியில் வெஸ்ட் இண்டீஸ் மகளிர் அணி 2 ரன்கள் வித்தியாசத்தில் வெற்றிபெற்று, 3-0 என்ற கணக்கில் தொடரையும் கைப்பற்றியது.
வெஸ்ட் இண்டீஸ் மகளிர் அணி பாகிஸ்தானில் சுற்றுப்பயணம் மேற்கொண்டு 5 போட்டிகள் கொண்ட டி20 தொடரில் விளையாடி வருகிறது. இத்தொடரின் முதலிரண்டு போட்டிகளிலும் வெஸ்ட் இண்டீஸ் அணி வெற்றிபெற்ற நிலையில், இரு அணிகளுக்கும் இடையேயான மூன்றாவது டி20 போட்டி நேற்று கராச்சியில் நடைபெற்றது. இப்போட்டியில் டாஸ் வென்ற பாகிஸ்தான் அணி முதலில் பந்துவீசுவதாக அறிவித்தது.
இதையடுத்து களமிறங்கிய வெஸ்ட் இண்டீஸ் மகளிர் அணியில் ரஷாதா வில்லியம்ஸ் ஒரு ரன்னில் விக்கெட்டை இழந்து ஏமாற்றமளித்தார். அதன்பின் இணைந்த கேப்டன் ஹீலி மேத்யூஸ் - காம்பெல் இணை அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் சிறப்பாக விளையாடிய கேப்டன் ஹீலி மேத்யூஸ் தனது அரைசதத்தைப் பதிவுசெய்தும் அசத்தினார்.
Trending
அதன்பின் 68 ரன்களில் ஹீலி மேத்யூஸும், 31 ரன்களில் காம்பெல்லும் விக்கெட்டை இழக்க அடுத்து களமிறங்கிய வீராங்கனைகள் சொற்ப ரன்களுக்கு விக்கெட்டை இழக்க, வெஸ்ட் இண்டீஸ் மகளிர் அணியானது 20 ஓவர்கள் முடிவில் 5 விக்கெட் இழப்பிற்கு 132 ரன்களைச் சேர்த்தது. பாகிஸ்தான் மகளிர் அணி தரப்பில் ஃபாதிமா சனா 2 விக்கெட்டுகளையும், துபா ஹசன், கேப்டன் நிதா தார் தலா ஒரு விக்கெட்டையும் கைப்பற்றினர்.
இதையடுத்து இலக்கை நோக்கி விளையாடிய பாகிஸ்தான் அணிக்கு ஆயீஷா ஸஃபார் - சித்ரா அமீன் ஆகியோர் அதிரடியான தொடக்கத்தைக் கொடுத்தனர். பின் ஆயீஷா 19 ரன்களில் விக்கெட்டை இழக்க, அடுத்து களமிறங்கிய முனீபா அலியும் 12 ரன்களுக்கு விக்கெட்டை இழந்தார். அதன்பின் களமிறங்கிய கேப்டன் நிதா தாரும் 17 ரன்களில் விக்கெட்டை இழக்க, சித்ரா அமீன் தனது அரைசதத்தைப் பதிவுசெய்து அசத்தினார்.
அதனைத்தொடர்ந்து 63 ரன்கள் எடுத்த நிலையில் சித்ரா அமீனும் விக்கெட்டை இழக்க, அடுத்த களமிறங்கிய வீராங்கனைகளும் அடுத்தடுத்து விக்கெட்டுகளை இழந்து ஏமாற்றமளித்தனர். இதனால் பாகிஸ்தான் அணி 20 ஓவர்கள் முடிவில் 8 விக்கெட்டுகளை இழந்து 130 ரன்களை மட்டுமே சேர்த்தது. இதன்மூலம் வெஸ்ட் இண்டீஸ் அணி 2 ரன்கள் வித்தியாசத்தில் த்ரில் வெற்றியைப் பதிவுசெய்ததுடன், டி20 தொடரையும் கைப்பற்றி அசத்தியது.
Win Big, Make Your Cricket Tales Now
Cricket Scorecard
Bangladesh tour of United States of America
Indian Premier League
Merwais Nika Regional 3-Day Trophy
