சர்வதேச டெஸ்ட் கிரிக்கெட்டில் ஆஸ்திரேலிய கேப்டனாக பாட் கம்மின்ஸ் புதிய சாதனை!
சர்வதேச டெஸ்ட் கிரிக்கெட்டில் ஆஸ்திரேலிய அணியின் கேப்டனாக அதிக விக்கெட்டுகளை கைப்பற்றிய வீரர் எனும் ரிச்சி பெனாட்டின் சாதனையை பாட் கம்மின்ஸ் முறியடித்து அசத்தியுள்ளார்.
வெஸ்ட் இண்டீஸ் - ஆஸ்திரேலிய அணிகளுக்கு இடையேயான முதல் டெஸ்ட் போட்டி ஜூன் 25ஆம் தேதி முதல் பார்படாஸில் உள்ள கென்ஸிங்டன் ஓவல் கிரிக்கெட் மைதானத்தில் தொடங்கி நடைபெற்று வருகிறது. இப்போட்டியில் டாஸ் வென்று முதலில் பேட்டிங் செய்த ஆஸ்திரேலிய அணி முதல் இன்னிங்ஸில்180 ரன்களைச் சேர்த்தது.
அதன்பின் முதல் இன்னிங்ஸைத் தொடங்கிய வெஸ்ட் இண்டீஸ் அணியும் எதிரணி பந்துவீச்சுக்கு ஈடுகொடுக்க முடியாமல் 190 ரன்களில் ஆல் அவுட்டானது. இருப்பினும் அந்த அணி 10 ரன்கள் முன்னிலைப் பெற்றது. இதையடுத்து 10 ரன்கள் பின் தங்கிய நிலையில் இரண்டாவது இன்னிங்ஸைத் தொடங்கிய ஆஸ்திரேலிய அணி இரண்டாம் நாள் ஆட்டநேர முடிவில் ஆஸ்திரேலிய அணி 4 விக்கெட்டுகள் இழப்பிற்கு 92 ரன்களைச் சேர்த்துள்ளது.
இந்நிலையில் இப்போட்டியின் மூலம் ஆஸ்திரேலிய அணி கேப்டன் பாட் கம்மின்ஸ் சிறப்பு சாதனை ஒன்றை படைத்துள்ளார். அதன்படி இப்போட்டியின் முதல் இன்னிங்ஸில் 18 ஓவர்களை வீசி 2 விக்கெட்டுகளை கைப்பற்றியதன் மூலம், சர்வதேச டெஸ்ட் கிரிக்கெட்டில் ஆஸ்திரேலிய அணியின் கேப்டனாக அதிக விக்கெட்டுகளை கைப்பற்றிய வீரர் எனும் ரிச்சி பெனாட்டின் சாதனையை பாட் கம்மின்ஸ் முறியடித்து அசத்தியுள்ளார்.
முன்னதாக கடந்த 1958 முதல் 1963ஆம் ஆண்டு வரை ஆஸ்திரேலிய அணியின் கேப்டனாக செயல்பட்ட ரிச்சி பெனாட் 28 போட்டிகளில் 138 விக்கெட்டுகளை கைப்பற்றியதே இதுநாள் வரை சாதனையாக இருந்தது. ஆனால் தற்சமயம் பாட் கம்மின்ஸ் 35 டெஸ்ட் போட்டிகளில் ஆஸ்திரேலியாவை வழிநடத்தியதுடன் அதில் 139 விக்கெட்டுகளை வீழ்த்தி புதிய் சாதனையை படைத்துள்ளார்.
டெஸ்டில் அதிக விக்கெட்டுகளை வீழ்த்திய ஆஸ்திரேலிய கேப்டன்
- 139* – பேட் கம்மின்ஸ் (63 இன்னிங்ஸ்)
- 138 – ரிச்சி பெனாட் (56 இன்னிங்ஸ்)
- 41 – பாப் சிம்ப்சன் (55 இன்னிங்ஸ்)
- 39 – இயன் ஜான்சன் (27 இன்னிங்ஸ்)
- 31 – மான்டி நோபல் (24 இன்னிங்ஸ்)
Also Read: LIVE Cricket Score
இது தவிர்து சர்வதேச, டெஸ்ட் கிரிக்கெட்டில் கேப்டனாக அதிக விக்கெட்டுகளை வீழ்த்திய இரண்டாவது வீரர் என்ற பெருமையையும் பாட் கம்மின்ஸ் (35 போட்டிகளில் 139 விக்கெட்டுகள்*) பெற்றுள்ளார் என்பதும் குறிப்பிடத்தக்கது. இந்த சாதனைப் பட்டியலில், பாகிஸ்தான் அணியின் முன்னாள் கேப்டன் இம்ரான் கான் 48 டெஸ்ட் போட்டிகளில் அணியை வழிநடத்தியதுடன் 187 விக்கெட்டுகளை கைப்பற்றி முதலிடத்தில் உள்ளார் என்பது குறிப்பிடத்தக்கது.
Win Big, Make Your Cricket Tales Now
