Pat Cummins Unlikely To Return For Second Half Of IPL 2021 In UAE (Image Source: Google)
பெரும் எதிர்பார்ப்புகளுக்கு மத்தியில் ஐபிஎல் தொடரின் 14ஆவது சீசன் ஏப்ரல் 9ஆம் தேதி இந்தியாவில் தொடங்கியது. சீசனில் மொத்தம் 29 போட்டிகள் மட்டுமே நடைபெற்ற நிலையில் பயோ பபுளில் இருந்த வீரர்களுக்கு அடுத்தடுத்து கரோனா தொற்று உறுதி செய்யப்பட்டது.
இதையடுத்து, ஐபிஎல் தொடரின் 14ஆவது சீசனை காலவரையின்றி ஒத்திவைப்பதாக பிசிசிஐ அறிவித்திருந்தது. மேலும் இத்தொடரில் பங்கேற்றிருந்த வீரர்களும் தங்களது சொந்த நாடுகளுக்கு திரும்பினர்.
இந்நிலையில் நேற்று (மே 29) நடைபெற்ற பிசிசிஐ சிறப்பு பொதுக்குழு கூட்டத்தில் ஐபிஎல் தொடரின் இரண்டாம் பாதியை செப்டம்பர் - அக்டோபர் மாதங்களில் ஐக்கிய அரபு அமீரகத்தில் நடத்தவுள்ளதாக முடிவுசெய்யப்பட்டது. இதையடுத்து துவண்டு கிடந்த கிரிக்கெட் ரசிகர்களுக்கு புத்துணர்ச்சி அளிக்கும் விதமாக இச்செய்தி அமைந்துள்ளது.
