இலங்கை அணியிலிருந்து பதும் நிஷங்கா விலகல்; ஷெவோன் டேனியலுக்கு வாய்ப்பு!

ஜிம்பாப்வே அணிக்கெதிரான தொடரிலிருந்து இலங்கை அணியின் நட்சத்திர வீரர் பதும் நிஷங்கா உடல்நலக் குறைவு காரணமாக விலகியுள்ளார்.

இலங்கை அணியிலிருந்து பதும் நிஷங்கா விலகல்; ஷெவோன் டேனியலுக்கு வாய்ப்பு! (Image Source: Google)

இலங்கையில் சுற்றுப்பயணம் மேற்கொள்ளும் ஜிம்பாப்வே 3 போட்டிகள் கொண்ட ஒருநாள் மற்றும் டி20 தொடரில் விளையாடவுள்ளது. இதில் இரு அணிகளுக்கும் இடையேயான ஒருநாள் ஜனவரி 6ஆம் தேதி முதலும், டி20 தொடர் ஜனவரி 14ஆம் தேதி முதலும் நடைபெறவுள்ளது. மேலும் இத்தொடரின் அனைத்து போட்டிகளும் கொழும்புவில் நடைபெறவுள்ளது.

அதன்படி இரு அணிகளுக்கும் இடையேயான முதலாவது ஒருநாள் போட்டி இன்று கொழும்புவில் நடைபெறகிறது. இப்போட்டிக்காக இரு அணிகளும் தீவிரமாக தயாராகி வருகின்றன. இந்நிலையில் இலங்கை அணியின் நட்சத்திர வீரர் பதும் நிஷங்கா உடல்நலக் குறைவு காரணமாக ஜிம்பாப்வே அணிக்கெதிரான தொடரிலிருந்து விலகியுள்ளதாக இலங்கை கிரிக்கெட் வாரியம் அறிவித்துள்ளது. 

இதுகுறித்து இலங்கை கிரிக்கெட் வாரியம் தரப்பில் வெளியிடப்பட்டுள்ள அறிக்கையில், பதும் நிஷங்கா டெங்கு காய்ச்சலால் பாதிக்கப்பட்டுள்ளதாகவும், அவர் மருத்துவ சிகிச்சை பெற்றுவருவதால் ஜிம்பாப்வே தொடரிலிருந்து விலகுவதாகும் தெரிவித்துள்ளார். மேலும் அவருக்கு மாற்றாக அறிமுக வீரர் ஷெவோன் டேனியல் சேர்க்கப்படுவதாக அறிவித்துள்ளது. 

 

Team Update: Pathum Nissanka has been admitted to the hospital with a suspected dengue infection.

Accordingly, the player is admitted for further management and will be out of the ODI series against Zimbabwe.

Cricket selectors have included Shevon Daniel in the ODI squad in… pic.twitter.com/ZLAg4neKRS

— Sri Lanka Cricket (@OfficialSLC) January 5, 2024

இலங்கை அணி: குசல் மெண்டிஸ் (கே), சரித் அசலங்க, அவிஷ்க ஃபெர்னாண்டோ, சதீர சமரவிக்ரம, சஹான் ஆராச்சிகே, நுவனிந்து ஃபெர்னாண்டோ, தசுன் ஷனகா, ஜனித் லியனகே, மஹேஷ் தீக்ஷன, டில்ஷான் மதுஷங்கா, துஷ்மந்த சமீர, துனித் வெல்லலாகே, பிரமோத் மதுஷன், ஜெப்ரி வான்டர்சே, அகில தனஞ்சய, வனிந்து ஹசரங்க, ஷெவோன் டேனியல்.

Win Big, Make Your Cricket Tales Now