சாம் கரண் யார்க்கரில் க்ளீன் போல்டாகிய பில் சால்ட் - வைரல் காணொளி!
பஞ்சாப் கிங்ஸ் அணிக்கு எதிரான லீக் போட்டியில் கேகேஆர் அணி வீரர் பில் சால்ட் க்ளீன் போல்டாகிய காணொளி வைரலாகியுள்ளது.
கொல்கத்தா நைட் ரைடர்ஸ் - பஞ்சாப் கிங்ஸ் அணிகளுக்கு இடையேயான லீக் போட்டி இன்று கொல்கத்தாவில் உள்ள ஈடன் கார்டன் மைதானத்தில் நடைபெற்றது. இப்போட்டியில் டாஸ் வென்ற பஞ்சாப் கிங்ஸ் அணி முதலில் பந்துவீசுவதாக அறிவித்து கேகேஆர் அணியை பேட்டிங் செய்ய அழைத்தது. அதன்படி களமிறங்கிய கேகேஆர் அணிக்கு சுனில் நரைன் - பிலிப் சால்ட் இணை அதிரடியான தொடக்கத்தை கொடுத்து அடித்தளம் அமைத்துக்கொடுத்தனர்.
இதில் சுனில் நரைன் 23 பந்துகளிலும், பிலிப் சால்ட் 25 பந்துகளிலும் என அடுத்தடுத்து அரைசதங்கள் அடித்ததுடன் முதல் விக்கெட்டிற்கு 138 ரன்கள் பார்ட்னர்ஷிப் அமைத்தனர். பின் 9 பவுண்டரி, 5 சிக்ஸர்கள் என 71 ரன்கள் சேர்த்த நிலையில் சுனில் நரைன் தனது விக்கெட்டை இழக்க, மறுபக்கம் 6 பவுண்டரி, 6 சிக்ஸர்கள் என 75 ரன்கள் குவித்த நிலையில் பில் சால்ட்டும் தனது விக்கெட்டை இழந்து பெவிலியன் திரும்பினார்.
Trending
அதன்பின் களமிறங்கிய வீரர்களில் வெங்கடேஷ் ஐயர் 39 ரன்களையும், ஆண்ட்ரே ரஸல் 24 ரன்களையும் கேப்டன் ஸ்ரேயாஸ் ஐயர் 28 ரன்களையும் சேர்த்து அணிக்கு தேவையான ஃபினிஷிங்கைக் கொடுத்தனர். இதன்மூலம் கொல்கத்தா நைட் ரைடர்ஸ் அணி 6 விக்கெட்டுகள் இழப்பிற்கு 261 ரன்களைக் குவித்தது. பஞ்சாப் கிங்ஸ் அணி தரப்பில் அதிகபட்சமாக அர்ஷ்தீப் சிங் 2 விக்கெட்டுகளை கைப்பற்றினார்.
@PunjabKingsIPL Captain Sam Curran with a yorker to dismiss Phil Salt
— IndianPremierLeague (@IPL) April 26, 2024
Watch the match LIVE on @JioCinema and @StarSportsIndia #TATAIPL | #KKRvPBKS pic.twitter.com/kyTtz4EjDq
இந்நிலையில் இப்போட்டியில் அபாரமாக விளையாடி வந்த பில் சால்ட் 75 ரன்களைச் சேர்த்து சதத்தை நோக்கி சென்று கொண்டிருந்த நிலையில் சாம் கரண் பந்துவீச்சில் க்ளீன் போல்டாகிய காணொளி தற்போது இணையத்தில் வைரலாகி வருகிறது. அதனபடி இன்னிங்ஸின் 13ஆவது ஓவரை சாம் கரண் வீச, அந்த ஓவரின் முதலிரண்டு பந்துகளை சிக்ஸருக்கு விளாசிய சால்ட், அடுத்த பந்திலேயே க்ளீன் போல்டாகி பெவிலியனுக்கு திரும்பினார் என்பது குறிப்பிடத்தக்கது.
Win Big, Make Your Cricket Tales Now
Cricket Scorecard
ICC Women's T20 World Cup Qualifier
