WI vs AUS : இன்ட்ரா ஸ்குவாட் போட்டியில் அசத்திய வேட், பிலீப், ஹென்ரிக்ஸ்!
வெஸ்ட் இண்டீஸில் சுற்றுப்பயணம் மேற்கொண்டுள்ள ஆஸ்திரேலிய தங்களுக்குள்ளாக இரு அணிகளாக பிரிந்து பயிற்சி ஆட்டங்களில் ஈடுபட்டு வருகின்றனர்.
இதற்கான ஆஸ்திரேலிய அணி கடந்த வாரம் வெஸ்ட் இண்டீஸ் சென்றடைந்தது. மேலும் அனுபவ வீரர்கள் டேவிட் வார்னர், கிளென் மேக்ஸ்வெல், பாட் கம்மின்ஸ் உள்ளிட்டோர் தனிப்பட்ட காரணங்களால், இத்தொடரை புறக்கணித்துள்ளனர்.
Trending
இந்நிலையில், ஆஸ்திரேலிய அணி டி20 தொடருக்கு முன்னதாக தங்களுக்குள்ளாகவே இரு அணிகளாக பிரிந்து பயிற்சி ஆட்டங்களில் ஈடுபட்டு வருகின்றன. அதன்படி ஆரோன் ஃபிஞ்ச் தலைமையில் ஒரு அணியும், ஹென்ரிக்ஸ் தலைமையில் மற்றொரு அணியும் பயிற்சி ஆட்டத்தில் ஈடுபட்டது.
இதில் முதலில் பேட்டிங் செய்த ஆரோன் ஃபிஞ்ச் தலைமையிலான அணி 20 ஓவர்கள் முடிவில் 6 விக்கெட் இழப்பிற்கு 165 ரன்களை எடுத்தது. இதில் அதிகபட்சமாக மேத்யூ வேட் 52 ரன்களையும், மிட்செல் மார்ஷ் 32 ரன்களையும் எடுத்தனர். எதிரணி தரப்பில் மிட்செல் ஸ்டார்க் 3 விக்கெட்டுகளைக் கைப்பற்றினார்.
அதன்பின் வெற்றி இலக்கை நோக்கி களமிறங்கிய ஹெண்ட்ரிக்ஸ் அணியில் ஜோஷ் பிலீப், கேப்டன் ஹென்ரிக்ஸ் இணை அதிரடியாக விளையாடி அரைசதம் கடந்தனர். இதன் மூலம் 2 ஓவர்கள் மீதமிருந்த நிலையில் வெற்றி இலக்கை எட்டி 8 விக்கெட் வித்தியாசத்தில் வெற்றி பெற்றும் அசத்தினர்.
அந்த அணியில் அதிகபட்சமாக ஜோஷ் பிலீப் 67 ரன்களையும், ஹென்ரிக்ஸ் 51 ரன்களையும் விளாசி இறுதிவரை ஆட்டமிழக்காமல் இருந்தது குறிப்பிடத்தக்கது.
ஆஸ்திரேலியா 1: ஆரோன் பிஞ்ச் (கே), மத்தேயு வேட், மிட்செல் மார்ஷ், அலெக்ஸ் கேரி, ஆஷ்டன் டர்னர், மிட்செல் ஸ்வெப்சன், நாதன் எல்லிஸ், ஜேசன் பெஹ்ரெண்டோர்ஃப், வெஸ் அகர், ஜோஷ் ஹேசில்வுட்.
ஆஸ்திரேலியா 2: ஜோஷ் பிலிப், ஆஷ்டன் அகர், மொய்சஸ் ஹென்ரிக்ஸ் (கே), பென் மெக்டெர்மொட், டான் கிறிஸ்டியன், ஆண்ட்ரூ டை, மிட்செல் ஸ்டார்க், ஆடம் ஸாம்பா, ரிலே மெரிடித், தன்வீர் சங்கா.
Win Big, Make Your Cricket Tales Now
