ஐக்கிய அரபு அமீரகத்தில் நடக்கும் ஐஎல்டி20 தொடரில் மும்பை இந்தியன்ஸ் எமிரேட்ஸ் என்ற அணி உள்ளது. அதே போல தென் ஆப்பிரிக்கா டி20 தொடரில் மும்பை இந்தியன்ஸ் கேப் டவுன் என்ற அணியும், அமெரிக்க டி20 தொடரில் மும்பை இந்தியன்ஸ் நியூயார்க் என்ற அணியும் மும்பை இந்தியன்ஸுக்கு சொந்தமானதாக உள்ளது.
இதில் ஐஎல்டி20 மற்றும் நியூயார்க் அணிகளின் கேப்டனாக கீரான் பொல்லார்டு இருந்து வந்தார். அவர் மும்பை இந்தியன்ஸ் அணியில் 14 ஆண்டு காலமாக இருந்தும் வரும் வீரர். அடுத்து அவர் மும்பை இந்தியன்ஸ் அணியின் நியூயார்க் அணி மற்றும் எமிரேட்ஸ் அணியின் கேப்டனாக செயல்பட்டு வந்தார். கேப் டவுன் அணியின் கேப்டனாக ரஷித் கான் செயல்பட்டு வந்தார்.
இந்த நிலையில், தற்போது ஒரே நேரத்தில் தென் ஆப்பிரிக்கா டி20 மற்றும் ஐஎல்டி20 தொடர் நடைபெற உள்ளது. ரஷித் கான் சிகிச்சை பெற்று ஓய்வில் இருப்பதால் அவரால் தென் ஆப்பிரிக்கா டி20 தொடரில் பங்கேற்க முடியாது. எனவே, பெரிய அளவில் முக்கியத்துவம் இல்லாத அந்த தொடருக்கு கேப்டனாக கீரான் பொல்லார்டை நியமித்து இருக்கிறது மும்பை இந்தியன்ஸ்.
