ஐபிஎல் 2022: தனது சிறந்த பிளேயிங் லெவனைத் தேர்வு செய்த கெவின் பீட்டர்சன்!
ஐபிஎல் 15ஆவது சீசன் முடிவடைந்துள்ள நிலையில் இங்கிலாந்து அணியின் முன்னாள் வீரர் கெவின் பீட்டர்சன் தனது பிளேயிங் லெவனைத் தேர்வு செய்துள்ளார்.
இந்த சீசனின் சிறந்த லெவனை முன்னாள் வீரர்கள் பலரும் தேர்வு செய்துவருகின்றனர். முன்னாள் வீரர்கள் அனைவருமே கிட்டத்தட்ட ஒரேமாதிரியான லெவனைத்தான் தேர்வு செய்தனர். ஆனால் கெவின் பீட்டர்சன் மட்டும் சற்றே வித்தியாசமான லெவனை தேர்வு செய்துள்ளார்.
Trending
கெவின் பீட்டர்சன்னின் பிளெயிங் லெவனில் ஜோஸ் பட்லர் மற்றும் டி காக் ஆகிய இருவரையும் இந்த சீசனின் சிறந்த தொடக்க வீரர்களாக தேர்வு செய்துள்ளார். டி காக்கை இதுவரை யாருமே தேர்வு செய்யவில்லை. 3ஆம் வரிசையில் கேஎல் ராகுல், 4ஆம் வரிசையில் பாண்டியா ஆகிய இருவரையும் தேர்வு செய்துள்ளார் பீட்டர்சன். மேலும் கோப்பையை வென்ற பாண்டியாவையே கேப்டனாக தேர்வு செய்துள்ளார்.
அதற்கடுத்த வரிசைகளில் மில்லர் மற்றும் லிவிங்ஸ்டோன் ஆகிய இருவரையும் தேர்வு செய்த பீட்டர்சன், யாருமே தங்கள் லெவனில் தேர்வு செய்யாத அஸ்வினை எடுத்துள்ளார்.
மேலும் மற்ற ஸ்பின்னர்களாக ராகுல் திவேத்தியா மற்றும் சாஹல் ஆகியோரையும், வேகப்பந்துவீச்சாளர்களாக உம்ரான் மாலிக் மற்றும் ஜோஷ் ஹேசில்வுட் ஆகிய இருவரையும் தேர்வு செய்துள்ளார். ஷமி, பும்ரா ஆகியோரை பீட்டர்சன் தேர்வு செய்யவில்லை.
கெவின் பீட்டர்சனின் பிளேயிங் லெவன்: ஜோஸ் பட்லர், குயிண்டன் டி காக் (விக்கெட் கீப்பர்), கேஎல் ராகுல், டேவிட் மில்லர், ஹர்திக் பாண்டியா (கேப்டன்), லியாம் லிவிங்ஸ்டோன், ரவிச்சந்திரன் அஷ்வின், ராகுல் டெவாட்டியா, உம்ரான் மாலிக், யுஸ்வேந்திர சாஹல், ஜோஷ் ஹேசில்வுட்.
Win Big, Make Your Cricket Tales Now
