PSL 2023: ஷோயப், ஷம்ஸி பந்துவீச்சில் வீழ்ந்தது முல்தான் சுல்தான்ஸ்!
முல்தான் சுல்தான்ஸுக்கு எதிரான பிஎஸ்எல் லீக் ஆட்டத்தில் கராச்சி கிங்ஸ் அணி 66 ரன்கள் வித்தியாசத்தில் அபார வெற்றியைப் பதிவுசெய்தது.
அதன்படி முதலில் பேட்டிங் செய்த கராச்சி கிங்ஸ் அணியின் தொடக்க வீரர் மேத்யூ வேட் மந்தமாக பேட்டிங்கை வெளிப்படுத்தினார். அதிரடியாக விளையாடிய மற்றொரு தொடக்க வீரர் ஜேம்ஸ் வின்ஸ் 12 பந்தில் 27 ரன்கள் அடித்து ஆட்டமிழந்தார். 3ஆம் வரிசையில் இறங்கிய தாஹிர் அதிரடியாக விளையாடி அரைசதம் அடித்தார்.
Trending
அதன்பின் பொறுப்புடன் பேட்டிங் ஆடிய தாஹிர் 46 பந்தில் 65 ரன்கள் அடித்தார். ஆனால் தொடக்க வீரர் மேத்யூவேட் படுமந்தமாக பேட்டிங் செய்து 47 பந்தில் 46 ரன்கள் மட்டுமே அடித்ததால், கராச்சி கிங்ஸ் அணி 20 ஓவர்கள் முடிவில் 167 ரன்கள் மட்டுமே அடித்தது. முல்தான் சுல்தான்ஸ் தரப்பில் இஷான்ல்லா இந்த போட்டியில் அபாரமாக பந்துவீசி 4 ஓவரில் 22 ரன்கள் மட்டுமே விட்டுக்கொடுத்து 2 விக்கெட்டையும் வீழ்த்தினார்.
இதையடுத்து கடின இலக்கை நோக்கி களமிறங்கிய முல்தான் சுல்தான்ஸ் அணியில் ஷான் மசூத் - முகமது ரிஸ்வான் இணை அதிரடியான தொடக்கத்தைக் கொடுத்தனர். இதில் மசூத் 25 ரன்களிலும், ரிஸ்வான் 29 ரன்களிலும் அடுத்தடுத்து விக்கெட்டை இழந்தன்ர்.
இவர்களைத் தொடர்ந்து களமிறங்கிய ரைலீ ரூஸோவ், டேவிட் மில்லர், அன்வர் அலி, குஷ்டில் ஷா, உசாமா மிர், கார்லோஸ் பிராத்வைட் என நட்சத்திர வீரர்கள் அனைவரும் அடுத்தடுத்து சொற்ப ரன்களுக்கு விக்கெட்டுகளை இழந்து பெவிலியனுக்கு நடையைக் கட்டினர். இதனால் 16.3 ஓவர்களிலேயே அந்த அணி அனைத்து விக்கெட்டுகளையும் இழந்து 101 ரன்களை மட்டுமே சேர்த்தது.
கராச்சி கிங்ஸ் தரப்பில் அபாரமாக பந்துவீசிய தப்ரைஸ் ஷம்ஸி, ஷோயப் மாலிக் தலா 3 விக்கெட்டுகளைக் கைப்பற்றி வெற்றிக்கு உதவினர். இதன்மூலம் கராச்சி கிங்ஸ் அணி 66 ரன்கள் வித்தியாசத்தில் முல்தான் சுல்தான்ஸ் அணியை வீழ்த்தி அபார வெற்றியைப் பதிவுசெய்து அசத்தியது.
Win Big, Make Your Cricket Tales Now
