பாகிஸ்தன் சூப்பர் லீக் டி20 கிரிக்கெட் தொடரின் 8ஆவது சீசன் தற்போது தொடங்கி ரசிகர்களின் வரவேற்பை பெற்றுள்ளது. இதில் இன்று நடைபெற்று வர்ம் 20ஆவது லீக் ஆட்டத்தில் லாகூர் கலந்தர்ஸ் - முல்தால் சுல்தான்ஸ் அணிகள் பலப்பரீட்சை நடத்துகின்றன.
லாகூரில் உள்ள கடாஃபி கிரிக்கெட் மைதானத்தில் நடைபெறும் இப்போட்டியில் டாஸ் வென்றுள்ள லாகூர் கலந்தர்ஸ் அணி முதலில் பேட்டிங் செய்ய தீர்மானித்தது. அதன்படி களமிறங்கிய அந்த அணியின் தொடக்க வீரர்கள் ஃபகர் ஸமான் ரன் ஏதுமின்றியும், மிர்ஸா தாஹிர் 17 ரன்களிலும் விக்கெட்டை இழந்து நடையைக் கட்டினர்.
பின்னர் ஜோடி சேர்ந்த அப்துல்லா ஷஃபிக் - சாம் பில்லிங்ஸ் இணை அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினர். இதில் அரைசதம் அடிப்பார் என எதிர்பார்க்கப்பட்ட ஷஃபிக் 35 பந்துகளில் 6 பவுண்டரி, ஒரு சிக்சர் என 48 ரன்களில் ஆட்டமிழந்து அரைசதம் அடிக்கும் வாய்ப்பை தவறவிட்டார்.
