PSL 2023: முகமது ரிஸ்வான் சதம்; கராச்சி கிங்ஸுக்கு 197 டார்கெட்!

கராச்சி கிங்ஸிற்கு எதிரான பிஎஸ்எல் லீக் ஆட்டத்தில் முதலில் விளையாடிய முல்தான் சுல்தான்ஸ் அணி 197 ரன்களை இலக்காக நிர்ணயித்துள்ளது.

PSL 2023: Mohammad Rizwan ton helps Multan Sultans post a total of 196! (Image Source: Google)

பாகிஸ்தன் சூப்பர் லீக் டி20 கிரிக்கெட் தொடரின் 8ஆவது சீசன் தற்போது தொடங்கி ரசிகர்களின் வரவேற்பை பெற்றுள்ளது. இதில் இன்று நடைபெற்றுவரும் 11அவது லீக் ஆட்டத்தில் முல்தான் சுல்தான்ஸ் - கராச்சி கிங்ஸ் அணிகள் பலப்பரீட்சை நடத்தி வருகின்றன. அதன்படி இப்போட்டியில் டாஸ் வென்ற கராச்சி கிங்ஸ் அணி முதலில் பந்துவீச தீர்மானித்தது. 

அதன்படி களமிறங்கிய முல்தான் சுல்தான்ஸ் அணிக்கு ஷான் மசூத் - கேப்டன் முகமது ரிஸ்வான் இணை அதிரடியான தொடக்கத்தைக் கொடுத்து அடித்தளம் அமைத்துக்கொடுத்தனர். தொடர்ந்து பவுண்டரியும் சிக்சர்களுமாக விளாசிய இருவரும் அரைசதம் கடக்க, அணியின் ஸ்கோரும் மளமளவனெ உயர்ந்தது. 

பின் 33 பந்துகளில் 6 பவுண்டரி, ஒரு சிக்சர் என 51 ரன்களில் ஆட்டமிழந்தார். இருப்பினும் மறுமுனையில் தொடர்ந்து பவுண்டரிகளால் பந்துவீச்சாளர்களை துவம்சம் செய்து வந்த ரிஸ்வான் 60 பந்துகளில் தனது இரண்டாவது பிஎஸ்எல் சதத்தைப் பதிவுசெய்து அசத்தினார். இதற்கிடையில் ரைலி ரூஸோவ் 29 ரன்களில் விக்கெட்டை இழந்தார். 

இதன்மூலம் 20 ஓவர்கள் முடிவில் முல்தான் சுல்தான்ஸ் அணி 2 விக்கெட் இழப்பிற்கு 196 ரன்களைச் சேர்த்தது. இதில் இறுதிவரை ஆட்டமிழக்காமல் இருந்த கேப்டன் முகமது ரிஸ்வான் 64 பந்துகளில் 10 பவுண்டரி, 4 சிக்சர்களை விளாசி 110 ரன்களைச் சேர்த்தார். 

Win Big, Make Your Cricket Tales Now