PSL 2023: ரோஸிங்டன் அரைசதம்; கிளாடியேட்டர்ஸுக்கு 165 டார்கெட்!
குயிட்டா கிளாடியேட்டர்ஸுக்கு எதிரான பிஎஸ்எல் லீக் ஆட்டத்தில் முதலில் பேட்டிங் செய்த கராச்சி கிங்ஸ் அணி 165 ரன்களை இலக்காக நிர்ணயித்துள்ளது.
பாகிஸ்தனைன் உள்ளூர் டி20 கிரிக்கெட் தொடரான பாகிஸ்தான் சூப்பர் லீக் தொடரின் 8ஆவது சீசன் விறுவிறுப்பான கட்டத்தை எட்டியுள்ளது. இதில் இன்று நடைபெற்றுவரும் 22ஆவது லீக் ஆட்டத்தில் குயிட்டா கிளாடியேட்டர்ஸ் - கராச்சி கிங்ஸ் அணிகள் பலப்பரீட்சை நடத்தின. இதில் டாஸ் வென்ற குயிட்டா கிளாடியேட்டர்ஸ் முதலில் பந்துவீச தீர்மானித்தது.
அதன்படி களமிறங்கிய கராச்சி கிங்ஸ் அணியில் மேத்யூ வேட் முதல் பந்திலேயே ஆட்டமிழந்து அதிர்ச்சியளித்தார். அவரைத் தொடர்ந்து களமிறங்கிய டயூப் தாஹிர் 7 ரன்களிலும், காசிம் அக்ரம் 8 ரன்களிலும், ஷோயப் மாலில் 13 ரன்களிலும் என அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர்.
Trending
இருப்பினும் மற்றொரு தொடக்க வீரர் ஆடம் ரோஸிங்டன் அதிரடியான ஆட்டத்தை வெளிப்படுத்தி டஹ்னது அரைசதத்தைப் பதிவுசெய்து அசத்தினார். அவருடன் ஜோடி சேர்ந்த கேப்டன் இமாத் வாசிமும் சிறப்பான ஆட்டத்தை வெளிப்படுத்த அணியின் ஸ்கோரும் உயர்ந்தது. பின் 45 பந்துகளில் 10 பவுண்டரி, ஒரு சிக்சர் என 69 ரன்களைச் சேர்த்த ரோஸிங்டன் விக்கெட்டை இழந்தார்.
இறுதியில் இமாத் வாசிம் 30 ரன்களையும், அமெர் யாமின் 23 ரன்களையும் சேர்த்து பங்களிப்பு செய்ய கராச்சி கிங்ஸ் அணி நிர்ணயிக்கப்பட்ட 20 ஓவர்களில் 6 விக்கெட்டுகளை இழந்து 164 ரன்களைச் சேர்த்தது. குயிட்டா அணி தரப்பில் நசீம் ஷா, ஐமல் கான் தலா 2 விக்கெட்டுகளைக் கைப்பற்றினர்.
Win Big, Make Your Cricket Tales Now
Cricket Scorecard
