பிஎஸ்எல் 2024: கராச்சி கிங்ஸ் அணியை 150 ரன்களில் சுருட்டியது இஸ்லாமாபாத் யுனைடெட்!
இஸ்லாமாபாத் யுனைடெட் அணிக்கு எதிரான பிஎஸ்எல் லீக் போட்டியில் முதலில் பேட்டிங் செய்த கராச்சி கிங்ஸ் அணி 151 ரன்களை இலக்காக நிர்ணயித்துள்ளது.
பாகிஸ்தான் சூப்பர் லீக் தொடரின் 9ஆவது சீசன் இறுதிக்கட்டத்தை எட்டியுள்ளது. இதில் இன்று நடைபெற்ற 24ஆவது லீக் போட்டியில் இஸ்லாமாபாத் யுனைடெட் - கராச்சி கிங்ஸ் அணிகள் பலப்பரீட்சை நடத்தி வருகின்றன. ராவல்பிண்டியில் நடைபெற்று வரும் இப்போட்டியில் டாஸ் வென்ற இஸ்லாமாபாத் யுனைடெட் அணி முதலில் பந்துவீசுவதாக அறிவித்து கராச்சி அணியை பேட்டிங் செய்ய அழைத்தது.
இதையடுத்து களமிறங்கிய கராச்சி கிங்ஸ் அணிக்கு கேப்டன் ஷான் மசூத் - டிம் செய்ஃபெர்ட் இணை தொடக்கம் கொடுத்தனர். இதில் ஷான் மசூத் 10 ரன்களுக்கும், டிம் செய்ஃபெர்ட் 26 ரன்களுக்கும் என விக்கெட்டுகளை இழந்தனர். அவர்களைத்தொடர்ந்து களமிறங்கிய சோயப் மாலிக் ஒரு ரன்னிலும், முகமது நவாஸ் 5 ரன்களிலும் என அடுத்தடுத்து விக்கெட்டுகளை இழந்து ஏமாற்றமளித்தனர்.
Trending
பின்னர் ஜோடி சேர்ந்த ஜேம்ஸ் வின்ஸ் - கீரென் பொல்லார்ட் இணை பொறுப்பான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினர். இதில் ஜேம்ஸ் வின்ஸ் 29 ரன்களுக்கும், அதேசமயம் அரைசதம் அடிப்பார் என எதிர்பார்க்கப்பட்ட கீரென் பொல்லார்ட் 3 பவுண்டரி, 3 சிச்கர்கள் என 39 ரன்களைச் சேர்த்த நிலையிலு விக்கெட்டுகளை இழந்து பெவிலியனுக்கு நடையைக் கட்டினர்.
அதன்பின் களமிறங்கிய இர்ஃபான் கான் தனது பங்கிற்கு 16 ரன்களையும், ஹசன் அலி 6 ரன்களையும் சேர்த்தனர். இதன்மூலம் 20 ஓவர்கள் முடிவில் கராச்சி கிங்ஸ் அணி 7 விக்கெட்டுகளை இழந்து 150 ரன்களை மட்டுமே சேர்த்தது. இஸ்லாமாபாத் யுனைடெட் அணி தரப்பில் தைமல் மில்ஸ் 3 விக்கெட்டுகளையும், ஃபஹீம் அஷ்ரஃப் 2 விக்கெட்டுகளையும் கைப்பற்றி அசத்தினர்.
Win Big, Make Your Cricket Tales Now
