பிஎஸ்எல் 2022: ரிஸ்வான் அதிரடியில் முல்தான் சுல்தான்ஸ் வெற்றி!
பிஎஸ்எல் 2022: கராச்சி கிங்ஸிற்கு எதிரான லீக் ஆட்டத்தில் முல்தான் சுல்தான்ஸ் அணி 7 விக்கெட் வித்தியாசத்தில் வெற்றிபெற்றது.
இப்போட்டியில் டாஸ் வென்று முதலில் பேட்டிங் செய்த கராச்சி கிங்ஸ் அணி 20 ஓவர்கள் முடிவில் 6 விக்கெட்டுகளை இழந்து 174 ரன்களைச் சேர்த்தது. இதில் அதிகபட்சமாக ஜோ கிளார்க் 40 ரன்களை சேர்த்தார்.
இதையடுத்து இலக்கை துரத்திய முல்தான் சுல்தான்ஸ் அணிக்கு ஷான் மசூத் - முகமது ரிஸ்வான் இணை அதிரடியான தொடக்கத்தைக் கொடுத்தனர்.
இதில் அதிரடியாக விளையாடிய ஷான் மசூத் 45 ரன்களில் ஆட்டமிழக்க, மறுமுனையிலிருந்த முகமது ரிஸ்வான் அரைசதம் கடந்தார்.
இதனால் 19.3 ஓவர்களில் முல்தான் சுல்தான்ஸ் இலக்கை எட்டி 7 விக்கெட் வித்தியாசத்தில் கராச்சி கிங்ஸை வீழ்த்தியது. இப்போட்டியில் 76 ரன்களைச் சேர்த்து அணியின் வெற்றிக்கு உதவிய முகமது ரிஸ்வான் ஆட்டநாயகனாகத் தேர்வு செய்யப்பட்டார்.
Win Big, Make Your Cricket Tales Now
