டி20 உலகக்கோப்பை அஸ்வினுக்கு வாய்ப்பு? - லக்ஷ்மண் சிவராம கிருஷ்ணன் கூறிய ஆலோசனை!
ஐபிஎல் 14வது சீசனின் எஞ்சிய போட்டிகளில் அஸ்வின் சிறப்பாக பந்துவீசும்பட்சத்தில், டி20 உலக கோப்பைக்கான இந்திய அணியில் அவர் இடம்பெற வாய்ப்புள்ளது என்று இந்திய அணியின் முன்னாள் ஸ்பின்னர் லக்ஷ்மண் சிவராம கிருஷ்ணன் கருத்து தெரிவித்துள்ளார்.
தோனி தலைமையிலான இந்திய அணியில் முதன்மை ஸ்பின்னராகவும், நட்சத்திர வீரராகவும் கோலோச்சியவர் தமிழ்நாட்டைச் சேர்ந்த சுழற்பந்து வீச்சாளர் ரவிச்சந்திரன் அஸ்வின். இந்திய அணிக்காக டெஸ்ட், ஒருநாள் மற்றும் டி20 ஆகிய அனைத்து ஃபார்மட்டுகளிலும் அபாரமாக பந்துவீசி விக்கெட்டுகளை வீழ்த்தி வெற்றிகளை பெற்று கொடுத்திருக்கிறார்.
விராட் கோலி கேப்டன் பொறுப்பேற்ற பின்னர், ஒருநாள் மற்றும் டி20 போட்டிகளுக்கான அணியிலிருந்து அஸ்வினை ஓரங்கட்டிவிட்டு, ரிஸ்ட் ஸ்பின்னர்களான குல்தீப் யாதவ் மற்றும் யுஸ்வேந்திர சாஹலுக்கு முன்னுரிமை கொடுத்தார். அதனால் அஷ்வின் 2017ஆம் ஆண்டுக்கு பிறகு, ஒருநாள் மற்றும் டி20 போட்டிகளில் இந்திய அணியில் இடம் கிடைக்காமல் தவித்து வருகிறார்.
Trending
இந்நிலையில், ஐபிஎல் 14வது சீசனின் எஞ்சிய போட்டிகளில் அஸ்வின் சிறப்பாக பந்துவீசினால், டி20 உலக கோப்பைக்கான இந்திய அணியில் இடம்பெறலாம் என்று முன்னாள் வீரர் லக்ஷ்மண் சிவராம கிருஷ்ணன் தெரிவித்துள்ளார்.
இதுகுறித்து பேசியுள்ள லக்ஷ்மண் சிவராம கிருஷ்ணன்,“ரவிச்சந்திரன் அஸ்வின் கடந்த சில ஆண்டுகளில் டாப் பவுலராக தன்னை நிலைநிறுத்திக்கொண்டுள்ளார். அவரது அனுபவம் டி20 உலக கோப்பையில் இந்திய அணிக்கு கண்டிப்பாக உதவும். குறிப்பாக இடது கை பேட்ஸ்மேன்களுக்கு எதிராக அஸ்வின் மிகச்சிறப்பாக வீசக்கூடியவர்.
அஸ்வின் அவரது ஃபீல்டிங் மற்றும் ஃபிட்னெஸிலும் அதிக கவனம் செலுத்தி மேம்படுத்தியிருக்கிறார். எதிரணியில் அதிகமான இடது கை பேட்ஸ்மேன்கள் இருக்கும்பட்சத்தில், அவர்களுக்கு எதிரான மிகச்சிறந்த ஆஃப் ஸ்பின்னர் அஸ்வின். அஷ்வின் கடினமாக உழைத்து ஐபிஎல்லில் சிறப்பாக பந்துவீசினால், டி20 அணியில் மீண்டும் கம்பேக் கொடுக்கலாம். டி20 உலக கோப்பைக்கான இந்திய அணியிலும் இடம்பெறலாம்” என்று தெரிவித்துள்ளார்.
Win Big, Make Your Cricket Tales Now
