டிராவிட்டை முழு நேர பயிற்சியாளராக மாற்ற வேண்டும் - முன்னாள் வீரரின் ஆலோசனை!
இந்திய அணியின் அடுத்த தலைமை பயிற்சியாளராக ராகுல் டிராவிட் நியமிக்கப்பட வேண்டுமென்று முன்னாள் ஆல்ரவுண்டர் ரீதிந்தர் சோதி தெரிவித்துள்ளார்.
இலங்கை சுற்றுப்பயணத்துக்கான இந்திய அணியின் தலைமை பயிற்சியாளராக முன்னாள் ஜாம்பவான் ராகுல் டிராவிட் நியமிக்கப்பட்டு இலங்கைக்கு சென்றுள்ளார். ஒரு கிரிக்கெட் வீரராக இந்திய அணிக்காக சிறப்பான பங்களிப்பு செய்து பல வெற்றிகளை பெற்றுக்கொடுத்த ராகுல் டிராவிட், இந்திய அண்டர் 19 அணியின் பயிற்சியாளராக இருந்து பல இளம் வீரர்களை உருவாக்கி கொடுத்துள்ளார்.
Trending
இதன் காரணமாக தான் இலங்கை சுற்றுப்பயணத்துக்கான இந்திய அணியின் பயிற்சியாளராக ராகுல் டிராவிட் நியமிக்கப்பட்டுள்ளார். இந்திய அணியின் அடுத்த தலைமை பயிற்சியாளராக ராகுல் டிராவிட் நியமிக்கப்படலாம் என்பதற்கான சமிக்ஞையாகத்தான் தற்போது அவருக்கு பயிற்சியாளராக பதவி கொடுக்கப்பட்டுள்ளதாகவும் சில கருத்துகள் வெளியாகி வருகின்றனர்.
இந்நிலையில், இதுகுறித்து பேசிய இந்திய அணியின் முன்னாள் ஆல்ரவுண்டர் ரீதிந்தர் சிங் சோதி, “ரவி சாஸ்திரி இந்திய அணியின் பயிற்சியாளராக சிறப்பாக செயல்பட்டு வந்தாலும் தற்காலிக பயிற்சியாளராக ராகுல் டிராவிட் முழுநேர பயிற்சியாளராக மாற்ற வேண்டும்.
மேலும் ராகுல் டிராவிட் குடும்பத்துடன் இருந்திருக்க நினைத்திருந்தால் இப்போது இலங்கை சென்று இருக்க ஒப்புக் கொண்டிருக்க மாட்டார். எனவே அவரை இந்திய அணியின் எதிர்காலத்தை கருத்தில் கொண்டு முழு நேர பயிற்சியாளர் ஆக மாற்ற வேண்டும்” என்று தனது கருத்தினை அவர் கூறியுள்ளார்.
Win Big, Make Your Cricket Tales Now
