மாஸ்டர்ஸ் லீக் 2025: ஹாட்ரிக் விக்கெட்டுகளை வீழ்த்திய ராகுல் சர்மா - காணொளி!
தென் ஆப்பிரிக்க மாஸ்டர்ஸுக்கு எதிரான லீக் போட்டியில் இந்தியா மாஸ்டர்ஸ் வீரர் ராகுல் சர்மா ஹாட்ரிக் விக்கெட்டுகளை வீழ்த்தி காணொளி வைரலாகி வருகிறது.
அதன்படி களமிறங்கிய தென் ஆப்பிரிக்க மாஸ்டர்ஸ் அணியில் ஹென்றி டேவிட்ஸ் 38 ரன்களையும், டேன் விலாஸ் 28 ரன்களையும் சேர்த்ததை தவிர்த்து மற்ற வீரர்கள் அனைவரும் அடுத்தடுத்து சொற்ப ரன்களுக்கு விக்கெட்டுகளை இழந்தனர். இதனால் அந்த அணி 85 ரன்களில் ஆல் அவுட்டானது. இந்திய மாஸ்டர்ஸ் அணி தரப்பில் ராகுல் ஷர்மா ஹாட்ரிக் விக்கெட்டுகாளுடன் 3 விக்கெட்டுகளையும், யுவராஜ் சிங் 3 விக்கெட்டுகளையும் கைப்பற்றினர்.
Trending
பின்னர் இலக்கை நோக்கி களமிறங்கிய இந்திய மாஸ்டர்ஸ் அணியில் கேப்டன் சச்சின் டெண்டுல்கர் 6 ரன்னிலும், அடுத்து களமிறங்கிய இர்ஃபான் பதன் 13 ரன்னிலும் என அடுத்தடுத்து விக்கெட்டுகளை இழந்தனர். பின்னர் ஜோடி சேர்ந்த அம்பத்தி ராயுடு - பவன் நெகி இணை பொறுப்பான ஆட்டத்தை வெளிப்படுத்தி அணியின் விக்கெட் இழப்பை தடுத்து நிறுத்தியதுடன், ஸ்கோரை உயர்த்தினர்.
இதில் இறுதிவரை ஆட்டமிழக்காமல் இருந்த அம்பத்தி ராயுடு 7 பவுண்டரிகளுடன் 41 ரன்களையும், பவன் நெகி 2 பவுண்டரி, ஒரு சிக்ஸர் என 21 ரன்களையும் சேர்த்து அணிக்கு வெற்றியைத் தேடித்தந்தனர். இதன்மூலம் இந்தியா மாஸ்டர்ஸ் அணி 11 ஓவர்களில் இலக்கை எட்டியதுடன் 8 விக்கெட் வித்தியாசத்தில் தென் ஆப்பிரிக்க மாஸ்டர்ஸ் அணியை வீழ்த்தி அபார வெற்றியைப் பதிவுசெய்து அசத்தியது.
rd time's a charm indeed! Watch Rahul Sharma pull off the #IMLT20's first hattrick in style #TheBaapsOfCricket #IMLonJioHotstar #IMLonCineplex pic.twitter.com/VGXxDlptzi— INTERNATIONAL MASTERS LEAGUE (@imlt20official) March 1, 2025Also Read: Funding To Save Test Cricket
இந்நிலையில் இப்போட்டியில் இந்திய அணி தரப்பில் அபாரமான் பந்துவீச்சை வெளிப்படுத்திய ராகுல் சர்மா ஹாட்ரிக் விக்கெட்டுகளை வீழ்த்தி சாதனை படைத்தார். அதன்படி இன்னிங்ஸின் 5அவது ஓவரை வீசிய நிலையில் அந்த ஓவரின் முதல் மூன்று பந்துகளில் தென் அப்பிரிக்க அணியின் ஹாசிம் ஆம்லா, ஜாக் காலிஸ் மற்றும் ஜாக் ருடால்ப் ஆகியோரை அடுத்தடுத்து வீழ்த்தி ஹாட்ரிக் விக்கெட்டுகளை பதிவுசெய்து அசத்தினார். இந்நிலையில் இக்காணொளி வைரலாகி வருகிறது.
Win Big, Make Your Cricket Tales Now
