இந்திய அணியில் திவேத்தியா புரக்கணிப்பு; ரசிகர்கள் அதிருப்தி!
Ireland vs India: அயர்லாந்து டி20 தொடருக்கான இந்திய அணியில் ஆல்ரவுண்டர் ராகுல் திவேத்தியா இடம்பெறாதது ரசிகர்களை அதிருப்தியில் ஆழ்த்தியுள்ளது.
அந்த வகையில் தற்போது நடைபெற்று வரும் தென் ஆப்பிரிக்க அணிக்கு எதிரான 5 போட்டிகள் கொண்ட டி20 தொடரானது இறுதி கட்டத்தை எட்டியுள்ள நிலையில் அடுத்ததாக இந்திய அணி 2 போட்டிகள் கொண்ட டி20 தொடரில் அயர்லாந்து அணியை எதிர்த்து விளையாட இருக்கிறது.
Trending
இந்த தொடருக்கு முன்னதாக முதன்மை வீரர்களைக் கொண்ட இந்திய அணி இங்கிலாந்து சென்று ஒரு டெஸ்ட் போட்டியில் விளையாட இருப்பதால் அயர்லாந்து அணிக்கு எதிரான தொடரிலும் இளம் வீரர்களைக் கொண்ட இரண்டாவது அணியே விளையாட இருக்கிறது. இந்த தொடருக்கான இந்திய அணி நேற்று பிசிசிஐயின் மூலம் அதிகாரப்பூர்வமாக அறிவிக்கப்பட்டது.
அந்த அணியில் ஐபிஎல் தொடரில் அசத்திய சஞ்சு சாம்சன் மற்றும் ராகுல் திரிப்பாதி ஆகியோருக்கு வாய்ப்பு வழங்கப்பட்டுள்ளது. அதோடு காயத்தில் இருந்து திரும்பிய சூரியகுமார் யாதவும் அணியில் இணைந்துள்ளார். அதே வேளையில் குஜராத் அணிக்காக விளையாடிய ராகுல் திவாதியா ஐபிஎல் தொடரில் அசத்தலான ஆட்டத்தை வெளிப்படுத்தி இருந்ததால் அவரும் இந்த தொடரில் தேர்வாவார் என்று எதிர்பார்க்கப்பட்டது.
ஆனால் அவருக்கு வாய்ப்பு வழங்கப்படாதது தற்போது ரசிகர்கள் மத்தியில் அதிர்ப்தியை ஏற்படுத்தி உள்ளது. ஏனெனில் நடைபெற்று முடிந்த 15ஆவது ஐபிஎல் தொடரில் குஜராத் அணிக்காக இறுதிகட்டத்தில் அதிரடியான ஆட்டத்தை வெளிப்படுத்திய ராகுல் திவேத்தியா அருமையான பினிஷிங்கை வெளிப்படுத்தி பல வெற்றிகளை அந்த அணிக்கு பெற்றுத்தந்தார்.
Rahul Tewatia reacts after not being selected in India's squad for the Ireland T20Is!#Cricket #IREvIND #IndianCricket #TeamIndia #RahulTewatia pic.twitter.com/YK6RpSD3n8
— CRICKETNMORE (@cricketnmore) June 16, 2022
இதன் காரணமாக அவருக்கு கட்டாயம் இந்திய அணியில் ஒரு வாய்ப்பு வழங்கப்பட வேண்டும் என்று எதிர்பார்த்த வேளையில் மீண்டும் அவர் புறக்கணிக்கப்பட்டுள்ளது ரசிகர்கள் மத்தியில் வருத்தத்தை ஏற்படுத்தியுள்ளது.
மேலும் இதுகுறித்து தனது ட்விட்டர் பக்கத்தில் ராகுல் திவேத்தியா, ‘எதிர்பார்ப்புகள் காயப்படுத்தின’ என பதிவிட்டுள்ளார். அவரது ட்விட்டர் பதிவு தற்போது இணையத்தில் வைரலாகி வருகிறது.
Win Big, Make Your Cricket Tales Now
