பாபர் ஆசாமை திருமணம் செய்து கொள்ள விரும்புகிறேன் - ரமீஸ் ராஜா!

பாபர் ஆசம் பேட்டிங் செய்து கொண்டிருந்த பொழுது வர்ணனை பெட்டியில் இருந்த பிசிபி முன்னாள் தலைவர் ரமீஷ் ராஜா உணர்ச்சிவயத்தில் பேசி உள்ள ஒரு கருத்து தற்பொழுது சமூக வலைதளத்தில் வைரலாகி வருகிறது.

பாபர் ஆசாமை திருமணம் செய்து கொள்ள விரும்புகிறேன் - ரமீஸ் ராஜா! (Image Source: Google)

அரசியல் பிரச்சினைகளால் வீழ்ந்து கிடந்த பாகிஸ்தான் கிரிக்கெட் கடந்த இரண்டு ஆண்டுகளாக மேல் எழுந்து வந்து கொண்டிருக்கிறது. வருமான ரீதியாகவும் இருந்த சிக்கல்கள் கொஞ்சம் தீர்க்கப்பட்டு இருக்கிறது. மேலும் பேட்ஸ்மேன்களின் விளையாட்டான கிரிக்கெட்டில், ஒவ்வொரு அணியின் அடையாளமாகவும் ஒரு பேட்ஸ்மேன் தேவையாக இருக்கிறார். 

அவரது திறமை மற்றும் செயல்பாட்டின் வழியாகவே ஒரு அணி அடையாளம் காணப்படுகிறது. அந்தந்த அணியின் ரசிகர்கள் அந்தந்த பேட்ஸ்மேன் மூலம் தங்கள் நாட்டு அணி மீதான பெருமையை நிறுவுகிறார்கள். இந்த வகையில் சரிந்திருந்த பாகிஸ்தான் கிரிக்கெட்டுக்கு பாபர் ஆசாமின் வருகை பெரிய புத்துணர்ச்சியை கொடுத்திருக்கிறது. அவர் அந்த நாட்டின் தற்போதைய கிரிக்கெட் அடையாளமாக நிற்கிறார். அவர் வழியாக பாகிஸ்தான் கிரிக்கெட் அணியின் பெருமை நிறுவப்படுகிறது.

பாதுகாப்பு காரணங்களுக்காக பல நாடுகள் பாகிஸ்தான் நாட்டிற்கு சுற்றுப்பயணம் செய்யாத காரணத்தினால், வருமான ரீதியாகவும் பாகிஸ்தான் கிரிக்கெட் பின்னடைவுகளை சந்தித்து வந்தது. தற்பொழுது இங்கிலாந்து, ஆஸ்திரேலியா போன்ற பெரிய அணிகள் பாகிஸ்தான் நாட்டிற்கு சுற்றுப்பயணம் செய்து விளையாட ஆரம்பித்திருக்கின்றன. இதனால் பாகிஸ்தான் அணிக்கு வருமானமும் கொஞ்சம் உயர்ந்து இருக்கிறது.

தற்போது பாகிஸ்தான் நாட்டின் கிரிக்கெட் அடையாளமாக இருக்கும் பாபர் ஆசாம் ஆசியக் கோப்பை மற்றும் ஒருநாள் கிரிக்கெட் உலகக் கோப்பையை மனதில் வைத்து லங்கா பிரீமியர் டி20 லீக்கில் இலங்கையில் கொழும்பு ஸ்ட்ரைக்கர்ஸ் அணிக்காக விளையாடுகிறார். நேற்று காலே டைட்டன்ஸ் அணிக்கு எதிரான போட்டியில் மிகச் சிறப்பாக விளையாடிய பாபர் ஆசம் 59 பந்துகளில் 8 பவுண்டரி மற்றும் 5 சிக்ஸர்கள் உடன் 104 ரன்கள் குவித்தார். இந்தத் தொடரில் இவருக்கு இது முதல் சதமாகும். ஒட்டு மொத்தமாக இவருக்கு இது பத்தாவது டி20 சதமாகும்.

நேற்று பாபர் ஆசம் பேட்டிங் செய்து கொண்டிருந்த பொழுது வர்ணனை பெட்டியில் இருந்த பாகிஸ்தான் கிரிக்கெட் வாரியத்தின் முன்னாள் தலைவர் ரமீஷ் ராஜா உணர்ச்சிவயத்தில் பேசி உள்ள ஒரு கருத்து தற்பொழுது சமூக வலைதளத்தில் வைரலாகி வருகிறது.

 

Ramiz is so obsessed with Babar that he wants to marry him.#RamizRaja #BabarAzam

Win Big, Make Your Cricket Tales Now