Ravi Shastri To Virat : You Have To Draw A Line Where You Take The Break To Stabilize Yourself (Image Source: Google)
நடப்பாண்டு ஐபிஎல் தொடரில் மிக மோசமாக விளையாடி வருகிறார் கோலி. 9 ஆட்டங்களில் 128 ரன்கள் மட்டுமே எடுத்துள்ளார். கடைசி 5 ஆட்டங்களில் 9, 0, 0, 12, 1 என மொத்தமாக 22 ரன்களே எடுத்துள்ளார். இதற்குத் தீர்வு தான் என்ன?
இந்நிலையில் விராட் கோலியின் மோசமான ஃபார்ம் குறித்து கருத்து தெரிவித்துள்ள இந்திய அணியி முன்னாள் பயிற்சியாளர் ரவி சாஸ்திரி, ஐபிஎல் தொடரிலிருந்து விலகி ஓய்வெடுத்துக்கொள்ள வேண்டும் என தெரிவித்துள்ளார்.
இதுகுறித்து ரவி சாஸ்திரி, ஒரு யூடியூப் சேனலுக்கு அளித்த பேட்டியில் கூறுகையில், “விராட் கோலிக்குத் தற்போதைய தேவை, ஓய்வு. இடைவெளி இல்லாமல் அவர் விளையாடி வருகிறார். மூன்று வகை கிரிக்கெட் போட்டிகளிலும் கேப்டனாகப் பணியாற்றியுள்ளார். எனவே தற்போது ஓய்வு எடுத்துக்கொள்வது நல்ல முடிவாக இருக்கும்.
